IPLIN
 

નિવેદન / 'મેં ઝુકેગા નહીં...' : આસામ કોર્ટમાંથી જામીન મળતા જ પુષ્પા સ્ટાઇલમાં બોલ્યા MLA જિગ્નેશ મેવાણી

Team VTV 09:10 AM, 30 Apr 22
Follow us
MLA Jignesh Mevani Pushpa style After Assam Court bail

ગુજરાતના વડગામના ધારાસભ્ય જિગ્નેશ મેવાણીને આસામની એક કોર્ટે મહિલા પોલીસકર્મી સાથે કથિત છેડતીના કેસમાં ગઇકાલે જામીન મળતા જ તેઓ પુષ્પા સ્ટાઇલમાં જોવા મળ્યા હતા.

  • MLA જિગ્નેશ મેવાણીને મળ્યા જામીન
  • મે ઝુકેગા નહીંઃ જિગ્નેશ મેવાણી
  • હું આજે પણ લડ્યો છું, કાલે પણ લડીશઃ મેવાણી

ધારાસભ્ય જિગ્નેશ મેવાણીને પહેલીવાર ગુરૂવારે ગુજરાતના પાલનપુરમાંથી આસામ પોલીસની એક ટીમે ધરપકડ કરી હતી, જ્યારે આસામના કોકરાઝારના એક સ્થાનિક ભાજપના નેતાએ તેમના વિરુદ્ધ ફરિયાદ કરી હતી. મેવાણી પર સોશિયલ મીડિયામાં પીએમ મોદી વિરુદ્ધ ટિપ્પણી કરવાના આરોપમાં જામીન મળ્યા બાદ તુરંત ધારાસભ્યની એક મહિલા પોલીસ અધિકારી સાથે કથિત રીતે ગેરવર્તૂણક કરવાના આરોપ ધરપકડ કરાઈ હતી. જોકે ગઇકાલે(29 એપ્રિલ) તે કેસમાં પણ મેવાણીને જામીન મળી ચૂક્યા હતા. ત્યારે ધરપકડ દરમિયાન અને જામીન મળતા સમયે પણ મેવાણી સાઉથની મૂવી પુષ્પાના એક ડાયલોગને બોલતા કહ્યું કે, મે ઝુકેગા નહીં. સાથે તેમણે પુષ્પા સ્ટાઇલ પણ કરી હતી.

મેવાણીએ કહ્યું કે, મને ન્યાયતંત્ર પર પુરો ભરોસો છે. આજે નહીં તો કાલે જામીન મળવાના જ હતા. નિરવ મોદી, મેહુલ ચોક્સી, વિજય માલ્યા સામે કાર્યવાહી ન થઇ, એક ટ્વીટને લઇને મારી ધરપકડ કરી લેવાઇ.

મેવાણીએ કહ્યું કે, ગુજરાતની આસામની જેલમાં લાવીને શું સંદેશ આપવા માગે છે. એક મહિલાને આગળ ધરીને કાર્યવાહી કરવી તે કાયરતા છે. આસામના કર્મચારી સાથે અભદ્ર વર્તન કરીને મને શું મળે? ગુજરાતથી ઉઠાવીને આસામમાં કેસ શા માટે કરાયો. મારા જુસ્સાને તોડવાનો પ્રયાસ કરાયો છે. હું આજે પણ લડ્યો છું, કાલે પણ લડીશ. મહત્વનું છે કે, મેવાણી અગાઉ પણ પુષ્પા સ્ટાઇલમાં નજરે આવી ચૂક્યા છે.

કેમ કરાઈ હતી જિગ્નેશ મેવાણીની ધરપકડ ?

  • PM મોદી પર ટ્વિટ કરવાના કેસમાં ધારાસભ્યની ધરપકડ કરાઈ
  • અસમ પોલીસે કરી મેવાણીની ધરપકડ
  • ટ્વિટમાં મેવાણીએ દાવો કર્યો કે PM નરેન્દ્ર મોદી 'ગોડસેને ભગવાન માને છે'
  • કોકરાઝાર પોલીસે દાખલ કરી FIR
  • ટ્વિટ કેસમાં જામીન મુક્ત થયા બાદ ફરી થઈ હતી ધરપકડ
  • મેવાણીની મહિલા પોલીસકર્મી પર હુમલો કરવા બદલ ધરપકડ કરાઈ
  • જે તેને કોકરાઝાર લાવવાની ટીમનો ભાગ હતા
jignesh mewani Pushpa Style જિગ્નેશ મેવાણી પુષ્પા આસામ ગુજરાત
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ