ગુજરાતના ધારાસભ્ય જિગ્નેશ મેવાણીને આસામની એક કોર્ટે મહિલા પોલીસકર્મી સાથે કથિત છેડતીના કેસમાં જામીન આપી દીધા છે.
ધારાસભ્ય જિગ્નેશ મેવાણીને મોટી રાહત
આસામની કોર્ટમાંથી મળ્યા જામીન
મહિલા પોલીસ સાથે જોડાયેલ છે આ કેસ
ગુજરાતના ધારાસભ્ય જિગ્નેશ મેવાણીને આસામની એક કોર્ટે મહિલા પોલીસકર્મી સાથે કથિત છેડતીના કેસમાં જામીન આપી દીધા છે. ધારાસભ્ય પર પોતાના વિરુદ્ધ નવા એક કેસમાં એક મહિલા પોલીસ અધિકારી સાથે કથિત રીતે છેડતી કરવાનો આરોપ લગાવ્યો હતો. મેવાણીએ આ અગાઉ પીએમ મોદી પર કથિત ટિપ્પણી કરવાના આરોપમાં ધરપકડ કરવામાં આવ્યા હતા.
A local court of Barpeta district of Assam grants bail to Jignesh Mevani in case of alleged assault on a policewoman. He is expected to be released on April 30 owing to some formalities: Anghsuman Bora, lawyer of Jignesh Mevani to ANI
ધારાસભ્ય જિગ્નેશ મેવાણીને પહેલી વાર ગુરૂવારે ગુજરાતના પાલનપુરમાંથી આસામ પોલીસની એક ટીમે ધરપકડ કરી હતી, જ્યારે આસામના કોકરાઝારના એક સ્થાનિક ભાજપના નેતાએ તેમના વિરુદ્ધ ફરિયાદ કરી હતી. મેવાણી પર સોશિયલ મીડિયામાં પીએમ મોદી વિરુદ્ધ ટિપ્પણી કરવાનો આરોપ લગાવ્યો છે.
જે દિવસે તેમને ટ્વિટ કેસમાં જામીન મળ્યા તે જ દિવસે મેવાણીએ પત્રકારોને કહ્યું હતું કે, આ ભાજપ અને આરએસએસનું ષડયંત્ર છે. તેમણે મારી છબી ખરાબ કરવા માટે આવું કર્યું છે. તે વ્યવસ્થિત રીતે આવું કરી રહ્યા છે. તેમણે રોહિત વેમુલા સાથે પણ કર્યું, તેમણે ચંદ્રશેખર આઝાદ સાથે પણ આવું કર્યું અને હવે મને ટાર્ગેટ બનાવી રહ્યા છે.
ટ્વિટ કેસમાં જિગ્નેશ પર ગુનાહિત ષડયંત્ર, પૂજા સ્થળ પર સંબંધિત ગુનો, ધાર્મિક ભાવનાઓને ઠેસ પહોંચાડવી અને શાંતિ ભંગ સહિત લોકોને ઉશ્કેરવાનો આરોપ લગાવ્યો હતો.