ભર'પૂર' / ગુજરાતમાં ધારાસભ્યો પણ સરકારી શાળામાં એડમિશન માટે કરી રહ્યા છે ભલામણ, જુઓ કયા MLAએ કોના માટે કરી માથાપચ્ચી

• ગુજરાતમાં સરકારી શાળામાં વધ્યા બાળકો
• કોરોનાના કારણે આર્થિક સ્થિતિ છે જવાબદાર
• ધારાસભ્યો પણ એડમિશન માટે કરી રહ્યા છે ભલામણ

કેમ સરકારી શાળામાં અધધ એડમિશન
કોરોના બાદ ગુજરાતમાં સરકારી શાળાઓમાં એડમિશન વધ્યા છે.. ખાનગી શાળાઓએ ફી વધારતા વાલીઓ સરકારી શાળા તરફ વધ્યા છે... રાજ્યમાં લગભગ 61 હજાર જેટલા બાળકોનું ખાનગીમાંથી સરકારી શાળામાં એડમિશન થયું છે.. 32 હજારથી વધુ શાળાઓમાં વાલીઓએ પોતાના બાળકોનું એડમિશન કરાવ્યું છે... વર્ષ 2014 બાદ પ્રથમ વખત આટલા બાળકો ખાનગી શાળામાંથી સરકારી શાળામાં ટ્રાન્સફર થયા છે..... સરકારી શાળામાં એડમિશન લેનારા બાળકોની સંખ્યા હજુ પણ વધે તેવી શક્યતા છે... કેમકે સરકારી શાળામાં પ્રવેશ પ્રક્રિયા 31 ઓગસ્ટ સુધી ચાલવાની છે...

 
કયા ધારાસભ્યએ કેટલા બાળકોની કરી ભલામણ?
મળતી માહિતી મુજબ AMC સંચાલિત શાળાઓમાં બાળકોના એડમિશન માટે કેટલાક ધારાસભ્યો પણ ભલામણ કરી રહ્યા છે... ઠક્કરબાપા નગરના ભાજપના ધારાસભ્ય વલ્લભ કાકડિયાએ પોતાના વિસ્તારના 9 બાળકોના સરકારી સ્કૂલમાં એડમિશન માટે ભલામણ કરી... અમરાઈવાડીના ધારાસભ્ય જગદીશ પટેલે AMC સંચાલિત શાળામાં એક બાળકના એડમિશન માટે ભલામણ કરી... જ્યારે કોંગ્રેસના દરિયાપુરના ધારાસભ્ય ગ્યાસુદ્દીન શેખે પોતાના વિસ્તારના 17 બાળકોના સરકારી સ્કૂલમાં એડમિશન માટે ભલામણ કરી.

કેમ સરકારી શાળા તરફ ઝોક?
કોરોનામાં મોટા ભાગના પરિવારની આર્થિક સ્થિતિ કથળી   
ખાનગી શાળાઓ ઓનલાઈનના નામે વસૂલી રહી છે મોટી ફી
સરકારી શાળામાં નજીવી રકમે સારૂ શિક્ષણ
ગુજરાતની સરકારી શાળાનું ભણતર સારૂ
કોરોના વકરે તો શાળાઓ બંધ થવાની ભીતિ