બનાસકાંઠામાં અધિકારીએ માસ્ક અને મેડિકલ સામગ્રીની ઊંચી કિંમત આપીને કૌભાંડ આચર્યાનો આક્ષેપ, MLA ગુલાબસિંહ દ્વારા રજૂઆતમાં તટસ્થ તપાસની માગણી
થરાદના ધારાસભ્ય ગુલાબસિંહે CM અને DyCMને લખ્યો પત્ર
જિલ્લાના પૂર્વ આરોગ્ય અધિકારીને લઇ લખ્યો પત્ર
અધિકારીએ માસ્ક અને મેડિકલ સામગ્રીમાં કૌભાંડ કર્યાનો કર્યો આક્ષેપ
બનાસકાંઠામાં કોરોનાકાળ દરમિયાન માસ્કની ખરીદીમાં થયેલા કૌભાંડ મામલે થરાદના ધારાસભ્ય ગુલાબસિંહે CM અને DyCMને પત્ર લખ્યો છે. અધિકારીએ માસ્ક અને મેડિકલ સામગ્રીની ઊંચી કિંમત આપીને કૌભાંડ આચર્યાનો આક્ષેપ છે. ધારાસભ્ય ગુલાબસિંહ દ્વારા રજૂઆતમાં આચરેલ કોભાંડની તટસ્થ તપાસ કરવા કરી માગ કરાઈ છે.
જાણો શું છે સમગ્ર મામલો
ભારતમાં કોરોનાના કેસો આવ્યા ત્યારથી જ ગુજરાત સરકારના GMSCL (ગુજરાત મેડિકલ સર્વિસીસ કોર્પોરેશન લિમિટેડ) દ્વારા હોસ્પિટલમાં જે વસ્તુઓ ખરીદી કરવાની હોય તેના ભાવ નક્કી કર્યા હતા. જેમાં 30 માર્ચે કરેલા પરિપત્રમાં N95 માસ્ક વધુને વધુ 49.61 રૂપિયાના ભાવથી ખરીદી શકશે. તેવું સ્પષ્ટ આદેશ છતાં બનાસકાંઠા જિલ્લાના જે તે સમયના આરોગ્ય અધિકારી દ્વારા પાર્વ ટ્રેડર્સને મે મહિનામાં એક માસ્કના 275 રૂપિયાથી અલગ અલગ તાલુકાની હોસ્પિટલ દીઠ લાખો રૂપિયાનો ઓર્ડર આપવામાં આવ્યો હતો.
આ ઓર્ડર જિલ્લા કક્ષાએથી અલગ અલગ તાલુકાના ખરીદી કરવાના GEM પોર્ટલના આઈડી પાસવર્ડ લઈ જિલ્લા આરોગ્ય અધિકારી મનીષ ફેન્સીએ પોતાના મળતીયાને આપ્યો હતો. અને બિલ તમામ THO ને ચૂકવવું પડ્યું હતું.
જો કે આ ઓર્ડર સરકારના નક્કી કરેલા ભાવ કરતા વધુ ભાવનું હોવાથી તે સમયના ધનેરના હેલ્થ ઓફિસર પી.એમ ચૌધરીએ વિરોધ કર્યો હતો. તેમજ આરોગ્ય નાયબ સચિવને પણ પત્ર લખીને પણ કરી હતી કે, મારી જાણ બહાર મારા ID પસવર્ડથી ડૉ.મનીષ ફેનસીએ માસ્કની ખરીદી કરી છે. અને જો તપાસ કરવામાં આવે તો તેમાં મોટું કૌભાંડ છે. મહત્વનું છે કે સમગ્ર મામલે સરકાર દ્વારા કોઈ તપાસ તો ન થઈ. પરંતુ કૌભાંડ કરનાર મનીષ ફેન્સીની બદલી કરી બઢતી આપી તેને વડોદરા ખાતે નાયબ નિયામક બનાવી દેવાયા છે.