ગુજરાત વિધાનસભાની ચૂંટણીમાં ઐતિહાસિક જીત બાદ પંચમહાલના કાલોલના ધારાસભ્ય ફેતસિંહ ચૌહાણ ભજનની રમઝટ બોલાવતા નજરે ચડ્યાં છે. કાલોલના ધારાસભ્ય ફતેસિંહ ચૌહાણ પર ભજન કાર્યક્રમમાં નોટોનો વરસાદ થયો હતો. ધારાસભ્ય ફતેસિંહ ચૌહાણ દોલતપુરા ગામે રામદેવપીરના પાઠમાં ભજન ગાઈ રહ્યાં હતા. જુઓ વીડિયો...
ધારાસભ્ય ફતેસિંહ ચૌહાણનો જોવા મળ્યો અનોખો અંદાજ
કાલોલના ધારાસભ્ય ફેતસિંહ ચૌહાણ દોલતપુરા ગામે રામદેવપીરના પાઠમાં ભજન ગાતા નજરે ચડ્યા છે. સોશિયલ મીડિયામાં ફતેસિંહ ચૌહાણનો ભજન ગાતો વીડિયો વાયરલ થયો છે. જે વીડિયોને લઈ ધારાસભ્યના ભજન રસ બાબતે લોકો વિવિધ કોમેન્ટો પણ કરી રહ્યાં છે. જે ભજન પાઠમાં ધારાસભ્ય પર નોટોનો વરસાદ થતો પણ જોવા મળી રહ્યો છે.
થોડા દિવસ અગાઉ સત્કાર સમારંભમાં ફતેસિંહ ચૌહાણ રોષે ભરાયા
કાલોલના ધારાસભ્ય ફતેસિંહ ચૌહાણનો સસ્તા અનાજના દુકાનદારો દ્વારા સત્કાર સમારંભ યોજવામાં આવ્યો હતો. આ કાર્યક્રમ દરમિયાન સ્ટેજ પર જ ધારાસભ્ય ફતેસિંહ ચૌહાણ લાલઘુમ થઈ ગયા હતા. કેટલીક સસ્તા અનાની દુકાનો પરવાનેદારની જગ્યા બીજા કોઈ વ્યક્તિ વહીવટ કરતાં હોવાનું અને અનાજની દુકાનમાં ગેરરીતિ થતી હોવાનું ધ્યાને આવતા ધારાસભ્ય ફતેસિંહ રોષે ભરાયા હતા.
ગેરરીતિની તપાસ કરવા જિલ્લા કક્ષાએ રજૂઆત પણ કરી હતી
ધારાસભ્યએ ચાલુ કાર્યક્રમે જ આવા દુકાનદારોનો ઉધડો લઈ લીધો હતો અને ગરીબોને પૂરું અનાજ વિતરણ કરવા માટે દુકાનદારોને સૂચના આપી હતી. આ ઉપરાંત તેમણે ચાલુ કાર્યક્રમ દરમિયાન મામલતદારને ફોન કરી જવાબ માંગ્યો હતો. સાથે જ ધારાસભ્યએ ગેરરીતિની તપાસ કરવા જિલ્લા કક્ષાએ રજૂઆત કરી હતી.