IPLIN
 

એક્શન / બંગાળ બાદ ઝારખંડમાં કેશ કૌભાંડ ! કોંગ્રેસે 3 ધારાસભ્યોને કર્યા સસ્પેન્ડ, SUVમાંથી ઝડપાઇ હતી રોકડ

Team VTV 03:08 PM, 31 Jul 22 | Updated: 03:44 PM, 31 Jul 22
Follow us
mla caught with cash suspended from party jharkhand congress

પશ્ચિમ બંગાળના હાવડામાં લાખો રૂપિયાની રોકડ સાથે ઝડપાયેલ ઝારખંડના ત્રણ કોંગ્રેસી ધારાસભ્યોને પાર્ટીમાંથી સસ્પેન્ડ કરી દેવામાં આવ્યા છે.

  • ઝારખંડ કોંગ્રેસના 3 ધારાસભ્યોને પાર્ટીમાંથી હટાવ્યા
  • હાવડામાં લાખો રૂપિયાના રોકડ સાથે ઝડપાયા હતા
  • સોનિયા ગાંધીના આદેશ પર લેવાઈ એક્શન

પશ્ચિમ બંગાળના હાવડામાં લાખો રૂપિયાની રોકડ સાથે ઝડપાયેલ ઝારખંડના ત્રણ કોંગ્રેસી ધારાસભ્યોને પાર્ટીમાંથી સસ્પેન્ડ કરી દેવામાં આવ્યા છે. ઝારંખડમાં કોંગ્રેસ પ્રભારી અવિનાશ પાંડેએ કહ્યું કે, તમામને કોંગ્રેસ અધ્યક્ષ સોનિયા ગાંધીના નિર્દેશ પર સસ્પેન્ડ કરી દેવામાં આવ્યા છે. આ દરમિયાન પ્રેસ ક્રોન્ફેંસને સંબોધન કરતા અવિનાશ પાંડેએ ભાજપ પર આરોપ લગાવતા કહ્યું કે, ભાજપ ઝારખંડમાં સરકાર પાડવાની કોશિશ કરી રહી છે. તેમણે કહ્યું કે, હવે એક મુખ્યમંત્રી સીધા ધારાસભ્યોના સંપર્ક કરી રહ્યા છે અને કેન્દ્રીય મંત્રી ઈડીનો ડર દેખાડીને ધમકાવી રહ્યા છે.

અવિનાશ પાંડેએ કહ્યું કે, પ્રધાનમંત્રી મોદીના નેતૃત્વમાં છેલ્લા 8 વર્ષમાં દેશમાં બેરોજગારી, મોંઘવારી અને આર્થિક મંદીએ ઇતિહાસ રચ્યો છે. આજે ચિંતાની વાત એ છે કે, લોકતંત્રની ધજ્જિયા ઉડાવવામાં આવી રહી છે અને ખાસ કરીને ચૂંટીને આવેલી સરકારોને હટાવવાનું તાંડવ ચાલી રહ્યું છે. તેમણે કહ્યું કે, જ્યાં બિન ભાજપ શાસિત સરકાર છે, જ્યાં ઈડી અને એજન્સીઓનો દુરુપયોગ કરીને તેમને અસ્થિર કરવાની કોશિશ થઈ રહી છે. 


ઝારખંડ સરકાર સુરક્ષિત, પાંચ વર્ષ પુરા કરશે-અવિનાશ પાંડે
અવિનાશ પાંડેએ આગળ કહ્યું કે, ઝારખંડ સરકાર સુરક્ષિત છે. સરકાર પર કોઈ ખતરો નથી અને સરકાર પુરા પાંચ વર્ષ પુરા કરશે. તેમણે કહ્યુ કે, આવનારા દિવસોમાં કોઈ પણ જનપ્રતિનિધિ પાર્ટીની જવાબદાર પદાધિકારી અથવા કોઈ પણ કાર્યકર્તા હોય, સૌ કોઈની જાણકારી અમારી પાસે છે. જે કોઈ પણ આવી રીતે સંડોવાયેલા હશે, તેને પાર્ટીમાંથી હાંકી કાઢવામાં આવશે.

 

jharkhand congress Congress MLA suspende કોંગ્રેસ ઝારખંડ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ