અમદાવાદ / ભાજપના MLA બલરામ થાવાણીને તાત્કાલિક સિવિલના સ્પેશિયલ વોર્ડમાં ઍડમિટ કરાયા, એવું શું થયું કે એકાએક ધારાસભ્યની તબિયત લથડી

ધારાસભ્ય બલરામ થાવાણીની તબિયત લથડી
બલરામ થાવાણીને થયું ફૂડ પોઈઝનિંગ 
એરપોર્ટની કેન્ટિનમાં મસાલા ઢોસા ખાધા હતા

અમદાવાદના નરોડા વિસ્તારના ધારાસભ્ય બલરામ થાવાણી તબિયત લથડી છે. ધારાસભ્ય બલરામ થાવાણીને ફૂડ પોઈઝનિંગ થયું છે. થાવાણીને ઝાડા-ઉલટી અને શરીર ફૂલી જતા હોસ્પિટલ દાખલ કરવામાં આવ્યા છે.  ધારાસભ્યની તબિયત લથડતા તાત્કાલિક સારવાર માટે હોસ્પિટલ ખસેડવામાં આવ્યા હતા. મસાલા ઢોસા ખાધા બાદ તેમને ફૂડ પોઈઝનિંગ થયું છે. 

ધારાસભ્યને થયું ફૂડ પોઈઝનિંગ
ધારાસભ્ય બલરામ થાવાણીએ એરપોર્ટની કેન્ટિનમાં મસાલા ઢોસા ખાધા હતા. એરપોર્ટની વીઆઈપી પાર્કિંગ પાસે આવેલી કેન્ટિનમાં મસાલા ઢોસા ખાધા બાદ તેમને ફૂડ પોઈઝિંગ થયું છે. ધારાસભ્યને ઝાડા-ઉલટી થાવાની શરૂ થઈ અને શરીર ફૂલી જતા તેમને તાત્કાલિક સારવાર માટે હોસ્પિટલ ખસેડવામાં આવ્યા હતા. ભાજપના ધારાસભ્ય બલરામ થાવાણીને સિવિલ હોસ્પિટલમાં સ્પેશિયલ વોર્ડમાં દાખલ કરી સારવાર શરૂ કરવામાં આવી છે.

તમે પણ સાચવજો તબિયત
તહેવારો નજીક આવતા આમ તો એએમસીના આરોગ્ય વિભાગની ટીમ વિવિધ નાસ્તાની અને મીઠાઈની દુકાનોમાં ચેકિંગ હાથ ધરતી હોય છે છતા તમામ દુકાનો પર તપાસ કરી શકતી નથી અને ઘણી દુકાનો પર વેચાતી ખાદ્ય ચીજો અખાદ્યા હોય છે જે આરોગ્ય માટે હાનિકારક સાબિત થતી હોય છે. ધારસભ્યમાં પણ ફૂડ પોઈઝિંગનો ભોગ બની જતા હોય તો આમ જતા માટે સામાન્ય વાત ગણાવી શકાય છે માટે તહેવારો પર ખાદ્ય ચીજો ખરીદતા કે ખાતા પહેલા તેની ચકાસણીની કાળજી અવશ્ય લેવાની રાખો.