પાટણ: ગરીબો અને પછાતવર્ગના મસીહા બનીને રાજકારણમાં જોડાયેલા અલ્પેશ ઠાકોરનો વીડિયો વાયરલ થયો છે. આ વીડિયોમાં રાધનપુરમાં ડાયરામાં અલ્પેશ ઠાકોર કલાકાર ગીતા રબારી પર પૈસાનો વરસાદ કરતા નજરે પડે છે. એક સમયે ગરીબોના વાત કરીને ધારાસભ્ય બનેલા અલ્પેશ ઠાકોરે ડાયરામાં રૂપિયાનો વરસાદ કરતા ચર્ચાનો વિષય બન્યો છે.
ઉલ્લેખનીય છે કે કોંગ્રેસના નેતા અને રાધનપુર બેઠકના ધારાસભ્ય અલ્પેશ ઠાકોર તાજેતરમાં એક ડાયરમાં પૈસાનો વરસાદ કરતા નજર પડ્યા હતા. ગતરોજ યોજાયેલ ડાયરાના કાર્યક્રમમાં કોંગ્રેસના ધારાસભ્ય અલ્પેશ ઠાકોર રોણા શેરમાં રે..થી પ્રખ્યાત બનેલ ગીતા રબારી પર નોટોનો વરસાદ કરતા નજર પડ્યા હતા. આ ઘટના અંગેનો સમગ્ર વિડીયો સોશિયલ મીડિયામાં વાયરલ થયો હતો.
આપને જણાવી દઇએ કે અલ્પેશ ઠાકોર હાર્દિક પટેલ અને જિગ્નેશ મેવાણી ગુજરાતમાં તાજેતરમાં થયેલ અનામત આંદોલનના પ્રણેતા છે અને અલ્પેશ કોંગ્રેસમાં જોડાયા બાદ તેમને થોડા સમય પહેલા યોજાયેલ વિધાનસભાની ચૂંટણીમાં રાધનપુર બેઠક પરથી ટિકીટ આપવામાં આવી હતી અને જેમાં તેમને વિજય થયો હતો. તાજેતરમાં વાયરલ થયેલ વિડીયોને પગલે સવાલ ઉઠ્યો હતો કે એક સમયે ગરીબોના મસીહા બનીને રાજકારણમાં જોડાયેલ અલ્પેશ ઠાકોર આજે ધારાસભ્ય થયા એટલે આ પ્રકારની હરકત કરી રહ્યા છે.