બે વર્ષ બાદ યોજાનારી લોકસભા ચૂંટણી માટે ભાજપની વિરુદ્ધ દેશમાં ત્રીજા મોર્ચાની ચર્ચાએ જોર પકડ્યું છે.જેમાં ભાજપને ટક્કર આપવાની રણનીતિ ઘડવાની વાત ચાલી રહી છે.
મિશન 2024ની લઈને એક્શનમાં વિપક્ષ
થર્ટ ફ્રંટ બનાવાની વાત કહી આ નેતાએ
સાઉથના આ મુખ્યમંત્રીએ વિપક્ષને આહ્વાન કર્યું
બે વર્ષ બાદ યોજાનારી લોકસભા ચૂંટણી માટે ભાજપની વિરુદ્ધ દેશમાં ત્રીજા મોર્ચાની ચર્ચાએ જોર પકડ્યું છે. હવે તમિલનાડૂના સીએમ એમકે સ્ટાલિને કોંગ્રેસ, લેફ્ટ સહિત તમામ એન્ટી ભાજપ પાર્ટીઓએ એક સંયુક્ત મોર્ચો ખોલવાનું આહ્વાન કર્યું છે. તેમણે કહ્યું કે, તમામ પાર્ટીઓએ પોતાની વ્યક્તિગત રાજકીય માનસિકતા અલગ રાખવી જોઈએ અને ભારતને બચાવવા માટે એક સાથે આવવું જોઈએ. તેમણે ડીએમકેને રાષ્ટ્રીય રાજનીતિ માટે મહત્વપૂર્ણ ગણાવી હતી અને કહ્યું કે, તેમની પાર્ટીએ દેશના પ્રધાનમંત્રી અને રાષ્ટ્રપતિ પસંદ કરવાની ક્ષમતા ધરાવે છે.
સ્ટાલિને કોંગ્રેસને આગ્રહ કર્યો કે, તેને ઓલ ઈંડિયા લેવલ પર તમામ પાર્ટીઓ સાથે સૈદ્ધાંતિક દોસ્તી વિકસિત કરવી જોઈએ, જેમ કે તમિલનાડૂમાં ડીએમકે સાથે છે. ત્રણ દિવસીય દિલ્હી પ્રવાસે
પહોંચેલા એમ કે સ્ટાલિને કહ્યું કે, મારી દલીલ છે કે, જો અમે ભારતની વિવિધતા,સંઘવાદ, લોકતંત્ર, ધર્મનિરપેક્ષતા, સમાનતા, બંધુત્વ, રાજ્યના અધિકાર અને શિક્ષણના અધિકારને બનાવી રાખવા માગીએ છીએ તો, આપણે બધાએ પોતાની વ્યક્તિગત રાજકીય માનસિકતા છોડીને એક થવું પડશે.
ડીએમકે નેશનલ પોલિટિક્સમાં મહત્વપૂર્ણ
સ્ટાલિને આગળ કહ્યું કે, તામમ પાર્ટીઓએ એ સમજવું જોઈએ કે, એકતા જ શક્તિ છે. ભારતને બચાવવા માટે તમામે સાથે આવવું પડશે. 69 વર્ષિય સ્ટાલિને ગત વર્ષના મે મહિનામાં સીએમ તરીકે કાર્યભાર સંભાળ્યો હતો. સ્ટાલિને આગળ કહ્યું કે, ડીએમકે રાષ્ટ્રીય રાજનીતિમાં હંમેશા મહત્વની રહી છે અને આગળ પણ આવું જ થશે.
તમિલનાડૂના સીએમે કહ્યું કે, રાષ્ટ્રીય રાજનીતિમાં મારુ મહત્વ હંમેશા રહ્યું છે. ડીએમકે હંમેશાથી દેશના પ્રધાનમંત્રી અથવા રાષ્ટ્રપતિ બનાવામાં મહત્વની ભૂમિકા નિભાવતી પાર્ટી રહી છે. ડીએમકે હવે સંસદમાં ત્રીજી સૌથી મોટી પાર્ટી છે.
કોંગ્રેસ, લેફ્ટ સહિત તમામ પાર્ટીઓએ સાથે આવવું જોઈએ
બંગાળના સીએમ મમતા બેનર્જી સહિત અમુક જગ્યાએ એવો તર્ક આપવામાં આવી રહ્યો છે કે, કોંગ્રેસના ખરાબ પ્રદર્શન બાદ હવે સ્થાનિક પાર્ટીઓએ ભાજપ વિરુધ્ધ મોર્ચો ખોલવો જોઈએ. આ વખતે સ્ટાલિન કહે છે કે, આ મત અમુક રાજ્યમાં હોઈ શકે છે. પણ કેટલાય રાજ્યમાં તે ભ્રામક સાબિત થશે. તેમણે આગળ કહ્યું કે, મારા માટે, ભાજપનો વિરોધ કરનારા તમામ રાજ્યની પાર્ટીઓએ એક ટીમ બનાવીને કોંગ્રેસ અને ડાબેરીઓ સાથે હાથ મિલાવવો જોઈએ.
અમે વૈચારિક આધાર પર સાથે છીએ
સ્ટાલિને આગળ કહ્યું કે, મારી ઈચ્છા છે કે, કોંગ્રેસ પાર્ટી ઓલ ઈંડિયા લેવલ પર સૈદ્ધાંતિક મિત્રતા વિકસીત કરે. મેં આ વાત તમિલનાડૂના પ્રચારમાં આવેલા રાહુલ ગાંધી સામે મંચ પર રાખી હતી. હું ફરીથી કોંગ્રેસ પાર્ટીને તમામ રાજ્યોમાં આવી ટીમો બનાવા પર ધ્યાન આપવા આગ્રહ કરુ છું.
કોંગ્રેસનો પોતાનો સહયોગી માનતા દક્ષિણમાં ચૂંટણી પ્રતિનિધિત્વ જોતા તે ભાજપ વિરોધી સંયુક્ત મોર્ચામાં તેમને ક્યાં જોવે છે ? આ સવાલના જવાબમાં સ્ટાલિને કહ્યું કે, અમે કોઈ પણ જરૂરિયાતને ધ્યાને રાખીને કોંગ્રેસ સાથે કામ નથી કર્યું. અમે વૈચારિક આધાર પર એક સાથે છીએ.