જાહેરાત / જેને સૌથી વધુ બાળકો છે તેમને મળે 1 લાખનું ઈનામ, આ મંત્રીનું મોટું એલાન

• સૌથી વધારે બાળકોવાળા માતા પિતા માટે એક લાખ રુપિયાની રોકડ 
• ખેલ મંત્રી રોબર્ટ રોમાવિયા રેયતેએ કરી આ જાહેરાત
• રોબર્ટ પોતાના મત વિસ્તારમાં લાગૂ કરી આ સ્કીમ

સૌથી વધારે બાળકોવાળા માતા પિતા માટે એક લાખ રુપિયાની રોકડ રકમ

મિઝોરમના એક મંત્રીએ પોતાના મત વિસ્તારમાં સૌથી વધારે બાળકોવાળા માતા પિતા માટે એક લાખ રુપિયાની રોકડ રકમની જાહેરાત કરી છે. તેમના આ પગલાનો હેતુ ઓછી જનસંખ્યા વાળા મિઝો સમુદાયોની જનસંખ્યામાં વૃદ્ધિ કરવા માટે પ્રોત્સાહિત કરવાનું છે. જો કે ખેલ મંત્રી રોબર્ટ રોમાવિયા રેયતેએ બાળકોની ઓછી સંખ્યાનો ઉલ્લેખ ન કર્યો.

રવિવારે ફાધર્સ ડેના પ્રસંગ પર મંત્રીએ જાહેરાત કરી

આ જાહેરાત તે સમયે થઈ જ્યારે દેશના અનેક રાજ્ય જનસંખ્યને નિયંત્રણ નીતિને સમર્થન આપી રહ્યા છે.  રવિવારે ફાધર્સ ડેના પ્રસંગ પર મંત્રીએ જાહેરાત કરી કે તે પોતાના આઈજોલ પૂર્વી 2 વિધાનસભા વિસ્તારમાં સૌથી વધારે સંતાન વાળા પુરુષ અથવા મહિલાને 1 લાખ રુપિયાની રોકડનું પ્રોત્સાહન રકમ આપશે.

રકમનો ભાર મંત્રીના દીકરાની એક કન્સ્ટ્રક્શન કંસલટન્સી કંપની ઉપાડશે

તેમણે કહ્યું કે સોમવારે એક નિવેદનમાં કહેવામાં આવ્યું કે એવા વ્યક્તિને એક પ્રમાણપત્ર અને એક ટ્રોફી આપવામાં આવશે. શક્ય છે કે પ્રોત્સાહન રકમનો ભાર મંત્રીના દીકરાની એક કન્સ્ટ્રક્શન કંસલટન્સી કંપની ઉપાડશે. મંત્રીએ કહ્યુ કે મિઝો સમુદાયમાં જનસંખ્યા વૃદ્ધિનો ઓછો દર ગંભીર ચિંતાનો વિષય છે.

સરકાર ક્રમિક રુપથી બે બાળકોની નીતિને લાગૂ કરશે

મિઝોરમમાં અનેક મિઝો જનજાતિઓ રહે છે.  અરુણાચલ પ્રદેશ બાદ મિઝોરમની જનસંખ્યા ધનત્વ સૌથી ઓછુ છે. ત્યારે મિઝોરમના પડોશી રાજ્ય આસામના મુખ્યમંત્રી હિંમત બિસ્વા સરમાને હાલમાં જાહેરાત કરી હતી કે તેમની સરકાર ક્રમિક રુપથી બે બાળકોની નીતિને લાગૂ કરશે.  આ દરમિયાન રવિવારે ઉત્તર પ્રદેશના વિધિ આયોગના અધ્યક્ષ આદિત્યનાથ મિત્તલે કહ્યુ હતુ કે વધતી જનસંખ્યા પર પ્રતિબંધ લગાવવો જોઈએ. કેમ કે આ રાજ્યમાં સમસ્યા પેદા કરી રહ્યા છે.