હેલ્થ ટિપ્સ / લોટ ગૂંથતા સમયે ભેળવી દો આ 4 ચીજ, નહીં રહે ક્યારેય શુગર કે કોલેસ્ટ્રોલ વધવાનો ખતરો

• ભારતમાં ડાયાબિટીસના કેસ ખૂબ જ ઝડપથી વધી રહ્યા છે
• બ્લડ શુગરને કંટ્રોલ કરવા રોજિંદા આહારમાં આ નાના ફેરફારો કરો 
• ઘઉંના લોટમાંથી રોટલી બનાવીએ છીએ પણ તેમાં આ લોટ મિક્સ કરો 

ડાયાબિટીસ ખૂબ જ ખતરનાક રોગ છે. શરુઆતમાં શરીર પર તેનો ખાસ અસર નથી દેખાતો પણ ધીમે-ધીમે તે શરીરને ખોખલું કરવા લાગે છે. જ્યારે ડાયાબિટીસ લાંબા સમય સુધી સારવાર વિના શરીરમાં વિકસતું રહે છે ત્યારે તે હૃદય રોગ, કિડની ફેલ્યોર, લિવર ફેલ્યર, અંધત્વ જેવા રોગો તરફ દોરી શકે છે. 

ભારતમાં ડાયાબિટીસના કેસ ખૂબ જ ઝડપથી વધી રહ્યા છે. તેનું કારણ એ છે કે ભારતીય આહાર કાર્બોહાઇડ્રેટ આધારિત છે, જેના કારણે બ્લડ શુગર અને કોલેસ્ટ્રોલ બંને વધે છે. તેથી, ખાવાની ટેવમાં સુધારો કરવો જોઈએ. રોજિંદા આહારમાં નાના ફેરફારો કરીને બ્લડ બ્લડ શુગર અને કોલેસ્ટ્રોલને સરળતાથી ઘટાડી શકાય છે. આ માટે ન તો વધારાના ખર્ચની જરૂર છે કે ન તો વધારે મહેનતની, માત્ર આદતમાં બદલાવની જરૂર છે. તો આ રીતે શરૂઆત કરો...

1. ચણાનો લોટ અથવા વેસણ 
આપણે દરરોજ ઘઉંના લોટમાંથી રોટલી બનાવીએ છીએ પરંતુ ઘઉંના લોટનો ગ્લાયસેમિક ઈન્ડેક્સ વધારે હોય છે અને તેમાં કાર્બોહાઈડ્રેટ્સનું પ્રમાણ પણ વધારે હોય છે. એવામાં એક્સપર્ટ અનુસાર જો તમે આ ઘઉંના લોટમાં દરરોજ થોડો ચણાનો લોટ નાખશો તો તેના સ્વાદમાં કોઈ ફરક નહીં પડે અને તેમાં પ્રોટીનનું પ્રમાણ વધી જશે. જ્યારે તમે સવારે આ લોટમાંથી બનેલી રોટલી ખાશો તો તમારી શુગર દિવસભર વધશે નહીં અને કોલેસ્ટ્રોલ પણ કંટ્રોલમાં રહેશે. 

2. જવનો લોટ 
જવના લોટમાં ભરપૂર માત્રામાં ફાઈબર હોય છે જે મેટાબોલિઝમને વેગ આપે છે અને તરત જ શરીરમાં શુગર બનવા દેતું નથી. જવનો લોટ ઝડપથી ઇન્સ્યુલિનની સંવેદનશીલતા વધારે છે. જવ લો બળતરાને પણ ઘટાડે છે, જે શરીરને ઘણી બીમારીઓથી બચાવે છે. તેથી, જો તમે ઘઉંના લોટમાંથી રોટલી બનાવો છો, તો તેમાં થોડો જવનો લોટ ઉમેરો. તો દિવસભર તમારી શુગર અને કોલેસ્ટ્રોલ વધશે નહીં.  

3. અમરાંથ કે રાજગીરાનો લોટ 
રાજગીરો બાજરીની શ્રેણીમાં આવે છે. લોકો આ લોટનો ઉપયોગ દવા તરીકે કરે છે. અમરાંથ એ લાલ રંગનું દાણાદાર અનાજ છે. તાજેતરના સંશોધનમાં એન્ટિ-ડાયાબિટીક અને એન્ટિઓક્સિડેટીવ ગુણધર્મો મળ્યા પછી રાજગીરાનો લોટ ખૂબ જ લોકપ્રિય બન્યો છે. ઘઉંના લોટમાં રાજગીરા લોટને ભેળવીને બનાવેલી રોટલીનું સેવન કરવાથી બ્લડ સુગર અને કોલેસ્ટ્રોલને નિયંત્રિત કરવામાં મદદ મળે છે. 

4. રાગીનો લોટ 
જો તમે શુગરના દર્દી છો અથવા તો કોલેસ્ટ્રોલ વધારે છે તો રોજ ઘઉંના લોટમાં થોડો રાગીનો લોટ મિક્સ કરો. તેની રોટલી ખાવાથી બંને વસ્તુઓ નિયંત્રણમાં રહેશે. રાગી ફાઈબર અને અનેક પ્રકારના પોષક તત્વોનો ભંડાર છે. રાગી કેલ્શિયમ, આયર્ન, પોટેશિયમ, પ્રોટીન, પોલિસેચ્યુરેટેડ ફેટથી ભરપૂર છે. રાગી અનેક પ્રકારના જૂના રોગોને મટાડે છે