કોરોનાથી બચવા માટે ઈમ્યુનિટીને વધારે સારી રાખવાની જરૂર રહે છે. આ સાથે જ વિટામીન સીનો વધારે ઉપયોગ કરવા જણાવાયું છે. વિટામીન સીનો યોગ્ય સોર્સ લીંબુ છે. જે તમને સરળતાથી મળી જાય છે. રોજ 1 ગ્લાસ લીંબુ પાણી પીવાથી મદદ મળી શકે છે. આ સિવાય પણ બોડીની ફેટ ઘટાડવામાં લીંબુ મદદ કરે છે. જો તમે આ લીંબુ પાણીને ગરમ પાણીમાં અને ગોળ મિક્સ કરીને પીઓ છો તો તે ફેટ બર્ન કરવામાં અને સાથે જ કોરોનામાં પણ રાહત આપી શકે છે.
લીંબુ પાણીના છે અઢળક ફાયદા
ફેટ ઘટાડવા માટે પણ છે ઉપયોગી
કોરોના સંક્રમણમાં પણ લીંબુ છે લાભદાયી
વજન ઘટાડવા માટે લીંબુ અને ગોળને ગરમ પાણીમાં પીવાથી રાહત મળી શકે છે. આ વજન ઓછું કરવાનો એક આયુર્વેદિક નુસખો છે. રોજ જો આ રીતે લીંબુંનું પાણી પીવામાં આવે તો તમે બંને ફાયદા મેળવી શકો છો. લૉકડાઉનમાં ઘરે રહેવાના કારણે વધતા વજનમાંથી પણ રાહત મેળવી શકો છો.
ગોળના છે આ ફાયદા
ગોળ સ્વાસ્થ્ય માટે વધુ ફાયદાકારક છે. તેમાં કેલેરી ઓછી માત્રામાં હોય છે. ગોળ એંટીઓક્સીડેંટ, જીંક અને સેલેનીયમથી ભરપુર હોય છે જે ઇમ્યુનીટી વધારવામાં મદદ કરે છે. એટલું જ નહિ ગોળ શરીરમાંથી વિષાક્તને બહાર કાઢે છે અને મોટાબોલીઝમને મજબુત બનાવે છે. જમ્યા પછી તરત ગોળનો એક નાનો ટુકડો ખાવાથી સરળતાથી પચી જાય છે, તેના સિવાય ગોળ શ્વાસ અને પાચનતંત્રની સફાઈ માટે પણ શ્રેષ્ઠ છે.
લીંબુના છે આ ફાયદા
એક રીસર્ચ અનુસાર લીંબુમાં રહેલ પોલીફીનોલ એંટીઓક્સીડેંટ વજન ને નિયંત્રણમાં રાખે છે. પોલીફીનોલ એકડીએલ કોલેસ્ટ્રોલને ઓછું કરીને એચડીએલ કોલેસ્ટ્રોલના સ્તરને વધારે છે. લીંબુમાં વિટામીન સી ભરપુર માત્રામાં હોય છે. લીંબુનો રસ શરીરને હાઈડ્રેટ રાખે છે અને મોટાબોલીઝમને વધારે છે.
આ રીતે પીઓ ગોળ અને લીંબુનું પાણી
લીંબુ અને ગોળ બંને પોષક તત્વોથી ભરપુર છે. વર્ષોથી વજન ઘટાડવા માટે તેનો ઉપયોગ કરવામાં આવે છે. પરંતુ લીંબુ અને ગોળ નું એકસાથે સેવન કરવું વધુ ફાયદાકારક હોય છે. એક ગ્લાસ થોડા ગરમ પાણીમાં એક ચમચી લીંબુનો રસ અને એક નાનો ટુકડો ગોળ મેળવો. પાણીમાં ગોળ પૂરી રીતે ઓગળી જાય ત્યારે તેને પી જાવ. વજન ઘટાડવા માટે એક શ્રેષ્ઠ વિકલ્પ છે.