રિલાયન્સ જિઓનો પડકાર વધી ગયો છે. જિઓના ગ્રાહકોમાં સતત ઘટાડો થઈ રહ્યો છે તો એરટેલના ગ્રાહકોની સંખ્યામાં વધારો થઈ રહ્યો છે.
ખેડૂત આંદોલનને કારણે જિઓને સૌથી મોટો ફટકો, એરટેલનો દબદબો
એરટેલના ગ્રાહકોની સંખ્યામાં વધારો થઈ રહ્યો છે
ડિસેમ્બરમાં એરટેલના નેટવર્ક પર 40 લાખથી વધારે ગ્રાહકો જોડાયા
2016 માં ટેલિકોમ સેક્ટરમાં રિલાયન્સ જિઓના પગપેસારાની સાથે જ ભારતી એરટેલની પનોતી શરુ થઈ હતી. જિઓની ફ્રી કોલિંગ અને ડેટાને કારણે એરટેલના ગ્રાહકોની સંખ્યામાં સતત ઘટાડો થયો અને પરિણામે ગ્રાહકોની સંખ્યાની દ્રષ્ટિએ રિલાયન્સ જિઓ ટોચ પર પહોચી ગઈ .
જિઓના ગ્રાહકોમાં સતત ઘટાડો, એરટેલના ગ્રાહકોની સંખ્યામાં વધારો
પરંતુ હવે છેલ્લા થોડા વખતમાં રિલાયન્સ જિઓનો પડકાર વધી ગયો છે. જિઓના ગ્રાહકોમાં સતત ઘટાડો થઈ રહ્યો છે તો એરટેલના ગ્રાહકોની સંખ્યામાં વધારો થઈ રહ્યો છે.
ટેલિકોમ રેગ્યુલેટરી ઓથોરિટી ઓફ ઈન્ડીયાના આંકડા અનુસાર, ડિસેમ્બરમાં એરટેલના નેટવર્ક પર 40 લાખથી વધારે ગ્રાહકો જોડાયા, તો 4.7 લાખ લોકો જિઓના નેટવર્ક સાથે જોડાયા હતા. સતત પાંચમા મહિને એરટેલનો દબદબો વધી રહ્યો છે. ડિસેમ્બરમં એરટેલનો યુઝર બેસ વધીને 33.87 કરોડ થયો તો જિઓનો યુઝર બેસ વધીને 40.87 કરોડ થયા.
જોકે આનાથી તદ્દન વિપરીત રીતે ગુજરાતમાં જિઓના ગ્રાહકોની સંખ્યામાં સતત વધારો થઈ રહ્યો છે.