મનોરંજન / ધર્મેન્દ્ર બાદ હવે મિથુન ચક્રવર્તી હોસ્પિટલમાંથી ડિસ્ચાર્જ, દીકરાએ આપી મોટી માહિતી, ભાજપ નેતાએ ફોટો કર્યો શેર

• મિથુન ચક્રવર્તીની થઇ સર્જરી 
• દીકરાએ આપી જાણકારી 
• હવે તબિયત સારી 

મિથુન ચક્રવર્તીની થઇ સર્જરી 

ધર્મેન્દ્ર હાલમાં હોસ્પિટલમાંથી ડીસ્ચાર્જ થયા છે અને હવે બોલિવુડનાં દિગ્ગજ કલાકાર મિથુન ચક્રવર્તીનાં ફેન્સ ઘણા પરેશાન છે, આ પાછળનું કારણ છે એક્ટરની તસવીર. જયારથી એક્ટરની હોસ્પિટલનાં બેડ પર તસવીર સોશિયલ મીડિયા પર વાયરલ થઇ રહી છે, તેમની હેલ્થને લઈને જાતજાતની અટકળો લગાવવામાં આવી રહી છે. 

દીકરાએ આપી મિથુનની હેલ્થ અપડેટ 
મિથુનનાં દીકરા મિમોહ ચક્રવર્તીએ એક્ટરની હેલ્થને લઈને જાણકારી આપી છે. તેમણે જણાવ્યું કે કિડનીનાં સ્ટોનની સમસ્યા બાદ તેમને હોસ્પિટલમાં દાખલ કરવામાં આવ્યા હતા, જેમાં તેઓ બેભાન સ્થિતિમાં બેડ પર સુતેલા જોઈ શકાય છે. પરંતુ હવે એક્ટરનું સ્વાસ્થ્ય ઠીક છે અને તેમને ડિસ્ચાર્જ પણ કરવામાં આવ્યા છે. તેઓ હવે ફિટ એન્ડ ફાઈન છે. 

મિથુન ચક્રવર્તીની હેલ્થ અપડેટ સામે આવ્યા બાદ હવે તેમના લાખો ફેન્સે રાહતના શ્વાસ લીધા છે. બધા લોકો એક્ટરનાં જલ્દી ઠીક થવાની પ્રાર્થના કરી રહ્યા છે. 

Get well soon Mithun Da ❤️
তোমার দ্রুত আরোগ্য কামনা করি মিঠুন দা ❤️ pic.twitter.com/yM5N24mxFf

— Dr. Anupam Hazra 🇮🇳 (@tweetanupam) April 30, 2022

બીજેપીનાં નેતા Dr. Anupam Hazraએ પણ મિથુન ચક્રવર્તીની તસવીરો પોતાના ટ્વીટર હેન્ડલ પર શેર કરી છે અને તેમના ઠીક થવાની પ્રાર્થના કરી છે. 

મિથુન ચક્રવર્તી હાલમાં જ કલર્સનાં શો હુનરબાઝમાં જોવા મળ્યા હતા. તેઓ આ શોનાં જજ હતા અને આખી જર્ની દરમિયાન તેમણે પોતાના ખાસ અંદાજમાં દર્શકોને ખૂબ જ એન્ટરટેન કર્યા હતા. મિથુનને આ વર્ષની સુપરહીટ ફિલ્મ ધ કશ્મીર ફાઈલ્સમાં પણ જોવામાં આવ્યા હતા. ફિલ્મમાં તેમની એક્ટિંગનાં પણ ખૂબ જ વખાણ થઇ રહ્યા હતા.