મિતાલી રાજે રચ્યો ઇતિહાસ 200 વન ડે રમવાનો બનાવ્યો રેકોર્ડ

ભારતીય મહિલા ક્રિકેટ ટીમની વન ડે ટીમની સુકાની મિતાલી રાજે ઇતિહાસ રચ્યો છે. મિતાલી 200 વન ડે મેચ રમનારી વિશ્વની પ્રથમ મહિલા ક્રિકેટર બની છે.

મિતાલીએ શુક્રવારે ન્યૂઝીલેન્ડ સામે રમાયેલી મચેમાં આ ઉપલબ્ધિ પ્રાપ્ત કરી છે. ભારતીય મહિલા ટીમ ન્યૂઝીલેન્ડ વિરુધ્ધ ત્રણ મેચની શ્રેણી પહેલાથી જ 2-0થી જીતી ગઇ છે. જ્યારે ત્રીજી વન ડેમાં ટોસ જીતીને પ્રથમ ભારતને બેટિંગ માટે આમંત્રિત કર્યું છે.

ભારતની અનુભવી ક્રિકેટર મિતાલીએ આ પહેલા જ પોતાના નામે સૌથી વધુ વન ડે ક્રિકેટ રમાવાનો રેકોર્ડ બનાવી લીધો હતો. મિતાલીએ 192 વન ડે રમતાની સાથે આ રેકોર્ડ તેના નામે કરી દીધો હતો.

192મી વન ડે રમતા મિતાલીએ ઇંગ્લેન્ડની પૂર્વ સુકાની ચાર્લોટ એડવર્ડસનો રેકોર્ડ તોડ્યો હતો. મિતાલી રાજે 1999માં આયરલેન્ડ સામેની મેચથી ડેબ્યું કર્યું હતું. જેમાં મિતાલીએ 114 રનની અણનમ ઇનિંગ્સ રમી હતી. આ મેચ ભારત 161 રનથી જીત્યું હતું.

સૌથી વધુ વન ડે રમાનારી આ છે પાંચ મહિલા ક્રિકેટર
મિતાલી રાજ (ભારત) 1999-2019 - 200 વન ડે
ચાર્લોટ એડવર્ડસ (ઇંગ્લેન્ડ) 1997-206 - 191 મેચ
ઝુલુન ગોસ્વામી (ભારત) 2002-2019 - 174 વન ડે 
અલેક્સ બ્લૈકવેલ (ઓસ્ટ્રેલિયા) 2003-2017 - 144 મેચ
જેની ગન (ઇંગ્લેન્ડ) 2004-2018 143 મેચ

મિતાલી રાજ સૌથી વધુ રન બનાવનાર મહિલા ક્રિકેટર પણ છે. તેણે અત્યાર સુધીમાં 6622 રન બનાવ્યાં છે. મિતાલી રાજે વન ડેમાં સાત સદી તેમજ 52 અડધી સદી ફટકારી છે.