ઇતિહાસ રચાયો / વર્લ્ડકપમાં ભારતીય મહિલા ક્રિકેટ ટીમની કેપ્ટન મિથાલી રાજે બનાવ્યો અનોખો રેકોર્ડ, દુનિયાની પહેલી આવી ખેલાડી બની

• મહિલા વર્લ્ડ કપમાં મિથાલી રાજનો રેકોર્ડ 
• મિથાલીએ કેપ્ટન તરીકે સૌથી વધારે મેચ રમી 
• વર્લ્ડ કપમાં સૌથી વધારે મેચ રમનાર ભારતીય કપ્તાન 

મિથાલી રાજે બનાવ્યો રેકોર્ડ 

ભારતીય મહિલા ક્રિકેટ ટીમની કપ્તાન મિથાલી રાજે શનિવારે ઈતિહાસ રચ્યો છે. તેમણે ન્યુઝીલેન્ડમાં રમાઈ રહેલા વન ડે વર્લ્ડ કપમાં વેસ્ટઇન્ડીઝ વિરુદ્ધ મેચમાં ઉતરતા જ આ વર્લ્ડ રેકોર્ડ બનાવ્યો છે. હવે તે પોતાની આ મેચ જીતીને આ રેકોર્ડ વધારે ખાસ બનાવવા માંગશે. 

મિથાલી વર્લ્ડ કપમાં કેપ્ટન તરીકે સૌથી વધારે 24 મેચ રમનાર દુનિયાની સૌથી પહેલી ખેલાડી બની ગઈ છે. આ મામલામાં તેમણે ઓસ્ટ્રેલિયાની પૂર્વ મહિલા કપ્તાન બેલિન્ડા ક્લાર્કનો રેકોર્ડ પણ તોડ્યો છે. બેલિન્ડાએ કેપ્ટન તરીકે વર્લ્ડ કપમાં 23 મેચ રમી છે. 

Mithali Raj breaks the record for most matches captained in the ICC Women's Cricket World Cup 👏#CWC22 pic.twitter.com/CiTHmbC72X

— ICC (@ICC) March 12, 2022

સૌથી વધારે જીતનાં મામલામાં મિથાલી બીજા નંબર પર 
વેસ્ટઇન્ડીઝ વિરુદ્ધ મેચ પહેલા સુધી મિથાલીની કપ્તાનીમાં ટીમ ઇન્ડિયાએ 23માંથી 14 મેચ જીતી છે, જ્યારે 8માં હાર મળી છે. એક મેચનો નતીજો આવ્યો ન હતો. વર્લ્ડ કપમાં કેપ્ટન તરીકે જીતના મામલામાં મિથાલી સંયુક્ત રૂપથી બીજા નંબર પર છે. તેમની સાથે ઓસ્ટ્રેલિયાની જ પૂર્વ કપ્તાન શેરોન ટ્રેડરિયા પણ બીજા નંબર પર છે. 

જો મિથાલી રાજ પોતાની કપ્તાનીમાં વેસ્ટઇન્ડીઝ સામે જીતે છે, તો તે જીતનાં મામલામાં શેરોનને પણ પાછળ છોડી દેશે. જીતનાં મામલામાં બેલિન્ડા ક્લાર્ક અત્યારે ટોપ પર છે. તેણે 23માંથી 21 મેચ જીતી છે. 

વર્લ્ડ કપમાં સૌથી વધારે મેચ રમનાર ભારતીય કપ્તાન 
મિથાલી રાજ - 24 વનડે 
અઝહરુદ્દીન - 23 વનડે 
એમએસ ધોની - 17 વનડે 

ટીમ ઇન્ડિયાએ વર્લ્ડ કપ 2022માં બે મેચ રમી, એક જીતી 
મહિલા વર્લ્ડ કપ 2022 સીઝન ન્યુઝીલેન્ડની જામ,ઈન પર રમાઈ રહી છે. ટીમ ઇન્ડિયાએ પાકિસ્તાન વિરુદ્ધ એક મેચમાં જીત હાસિલ કરી હતી. મિથાલી રાજની જ કપ્તાનીમાં ટીમે પાકિસ્તાનને 107 રનહી હાર અપાવી હતી. જોકે બીજી મેચમાં ભારતને ન્યુઝીલેન્ડ સામે હાર મળી હતી.