ભારતીય ક્રિકેટની મહિલા તેંડુલકર ગણાતી મિતાલી રાજે આંતરરાષ્ટ્રીય ક્રિકેટમાંથી નિવૃત્તિ લીધી છે. તેમના નામે ઘણા રેકોર્ડ બન્યા છે. મિતાલીને 2003માં અર્જુન એવોર્ડ અને 2017માં વિઝડન લીડિંગ વુમન ક્રિકેટર ઈન ધ વર્લ્ડ એવોર્ડ એનાયત કરાયો હતો.
મિતાલી રાજે આંતરરાષ્ટ્રીય ક્રિકેટમાંથી નિવૃત્તિ લીધી
વન-ડે ક્રિકેટમાં સૌથી વધુ રન બનાવનાર મહિલા ખેલાડી
મિતાલીને 'ભારતીય ક્રિકેટની મહિલા તેંડુલકર' કહેવામાં આવે છે
ક્રિકેટમાં ડેબ્યુ 1999થી કર્યું
ભારતીય મહિલા ક્રિકેટની મહાન ખેલાડી મિતાલી રાજે આંતરરાષ્ટ્રીય ક્રિકેટમાંથી નિવૃત્તિ લઈ લીધી છે. મિતાલીએ 23 વર્ષની કારકિર્દીમાં ઘણી સિદ્ધિઓ હાંસલ કરી. વન-ડે ક્રિકેટમાં સૌથી વધુ રન બનાવનાર મહિલા ખેલાડી છે. આ સાથે જ મહિલા વન-ડે વર્લ્ડ કપમાં સૌથી વધુ મેચોમાં કેપ્ટનશિપનો રેકોર્ડ પણ તેના નામે નોંધાયેલો છે. મિતાલીએ 1999માં આંતરરાષ્ટ્રીય ક્રિકેટમાં ડેબ્યૂ કર્યું હતું. તેણે પોતાની પહેલી મેચ આયરલેન્ડ સામે રમી હતી. અને મિતાલીની છેલ્લી મેચ આ વર્ષે ન્યુઝીલેન્ડના ક્રાઇસ્ટચર્ચમાં દક્ષિણ આફ્રિકા સામે હતી.
Thank you for all your love & support over the years!
I look forward to my 2nd innings with your blessing and support. pic.twitter.com/OkPUICcU4u
ઘણા એવોર્ડથી સન્માનિત
મિતાલીને 2003માં અર્જુન એવોર્ડ અને 2017માં વિઝડન લીડિંગ વુમન ક્રિકેટર ઈન ધ વર્લ્ડ એવોર્ડ એનાયત કરવામાં આવ્યો. મિતાલીને 2015માં પદ્મશ્રી એવોર્ડથી પણ સન્માનિત કરવામાં આવી હતી. મિતાલીને 2021માં ખેલ રત્ન એવોર્ડ પણ આપવામાં આવ્યો હતો.
મિતાલી રાજના મુખ્ય રેકોર્ડ અને સિદ્ધિઓ:
- મિતાલીને 'ભારતીય ક્રિકેટની મહિલા તેંડુલકર' કહેવામાં આવે છે. મિતાલી વન-ડે અને ટી-20માં ભારત તરફથી સૌથી વધુ રન બનાવનાર ખેલાડી છે.
- વર્ષ 2017ના મહિલા ક્રિકેટ વર્લ્ડ કપ દરમિયાન મિતાલી સતત સાત અડધી સદી ફટકારવામાં સફળ રહી હતી. આવું કરનારી તે પહેલી મહિલા ક્રિકેટર છે.
- મિતાલી એક ટીમ માટે સૌથી વધુ સતત મહિલા વનડે (109 મેચ) રમનારી ખેલાડી છે.
- મિતાલી વર્લ્ડ કપમાં 1,000થી વધુ રન ફટકારનારી પ્રથમ ભારતીય અને વિશ્વની પાંચમી મહિલા ક્રિકેટર છે.
- મિતાલી વન-ડેમાં સૌથી વધુ રન બનાવનાર ખેલાડી છે. તેના નામે 232 મેચોમાં 7805 રન છે.
- મિતાલી આંતરરાષ્ટ્રીય ટી-20માં 2,000 રન ફટકારનારી ભારતની સૌપ્રથમ મહિલા ક્રિકેટર છે.
- મિતાલી 20 વર્ષથી વધુ સમય સુધી રમનારી પહેલી મહિલા ક્રિકેટર પણ છે.
- મિતાલી એકમાત્ર એવી મહિલા ક્રિકેટર છે કે જેણે 200 વન ડે રમી છે.
- તેણે 2005 અને 2017 ના વર્લ્ડ કપમાં ભારતને તેતૃત્વ કર્યું.
- મિતાલી વન-ડે વર્લ્ડકપમાં સૌથી વધુ 24 મેચમાં કેપ્ટનશિપ કરનારી મહિલા ખેલાડી છે. તેણે આ વર્ષે વર્લ્ડ કપ દરમિયાન ઓસ્ટ્રેલિયાની બેલિન્ડા ક્લાર્ક (23 મેચ)ને પાછળ રાખી દીધી હતી.
- મિતાલી એકમાત્ર એવી મહિલા ખેલાડી જણે 6 વન-ડે વર્લ્ડ કપ રમ્યા છે. પુરુષોમાં ભારત માટે આ રેકોર્ડ સચિન તેંડુલકરના નામે છે.
- મિતાલી ટેસ્ટમાં ભારત માટે બેવડી સદી ફટકારનારી એકમાત્ર મહિલા બેટ્સમેન છે. વર્ષ 2002માં ઇંગ્લેન્ડ સામે મિતાલીએ 214 રન બનાવ્યા હતા. આ સાથે જ મહિલા ક્રિકેટમાં ટેસ્ટમાં સૌથી વધુ વ્યક્તિગત સ્કોરમાં તે બીજા ક્રમે છે.