ભારતીય મહિલા ક્રિકેટની સૌથી સફળ કેપ્ટન અને બેસ્ટ ક્રિકેટર એવી બેટર મિથાલી રાજે નિવૃત્તિ જાહેર કરી દીધી છે જેના કારણે દેખીતી રીતે જ ઇન્ડીયન વિમેન્સ ક્રિકેટને મોટો ફટકો પડશે.
મિથાલી રાજે નિવૃત્તિ જાહેર કરી
ભારતીય મહિલા ક્રિકેટની સૌથી સફળ કેપ્ટન
ભારતને અપાવ્યું ગૌરવ
ભારતીય મહિલા ક્રિકેટની સૌથી સફળ કેપ્ટન અને બેસ્ટ ક્રિકેટર એવી બેટર મિથાલી રાજે નિવૃત્તિ જાહેર કરી દીધી છે જેના કારણે ઇન્ડીયન વિમેન્સ ક્રિકેટને મોટો ફટકો પડશે. દેખીતી રીતે જ મિથાલીએ આંતરરાષ્ટ્રીય ક્રિકેટમાં રનનાં ખડકલા કરી દીધા હતા. તે કેટલીય મહિલા ક્રિકેટરો માટે પ્રેરણારૂપ બેટર ક્રિકેટર બની રહેશે.
BREAKING: Mithali Raj has announced her retirement from all forms of international cricket pic.twitter.com/fjfnh7P3L5
રિટાયરમેન્ટ જાહેર કરતાં થઈ ગઈ ભાવુક
39 વર્ષીય ક્રિકેટરે ટ્વિટર પર એક લાંબો મેસેજ લખીને નિવૃત્તિની જાહેરાત કરી હતી. તેમણે લખ્યું હતું કે તે એક નાનકડી બાળકી હતી જ્યારે તેણે બ્લૂ જર્સી પહેરીને દેશનું પ્રતિનિધિત્વ કર્યું હતું.
તેમણે લખ્યું હતું કે વર્ષોથી મળી રહેલા તમારા પ્રેમ અને સમર્થન માટે ધન્યવાદ! હું તમારા આશીર્વાદ અને સમર્થનથી પોતાની બીજી ઇનિંગ શરૂ કરવાની તૈયારી કરી રહી છું.
મિથાલી વન-ડે ક્રિકેટમાં સૌથી વધારે રન બનાવનારી મહિલા બેટર છે. તેમણે 232 મેચોમાં ભારતનું પ્રતિનિધત્વ કર્યું છે અને 50.68 રનની એવરેજથી 7805 રન બનાવ્યા હતા. એ સિવાય તેમણે 12 ટેસ્ટ મેચ પણ રમ્યા હતા જેમાં 19 ઈનિંગ્સમાં 43.68 ની એવરેજથી 699 રન બનાવ્યા હતા. તેમણે 89 ટી- ટ્વેન્ટી મેચમાં 2364 રન બનાવ્યા છે. જેમાં તેણીની એવરેજ 37.52 રહી હતી. આ સિવાય વન-ડેમાં તેણે 8 વિકેટ પણ ઝડપી હતી.
માત્ર 16 વર્ષની વયે ડેબ્યૂ
આંતરરાષ્ટ્રીય ક્રિકેટમાં માત્ર 16 વર્ષની વયે પદાર્પણ કરનાર મિથાલીએ દુનિયાની સર્વ શ્રેષ્ઠ મહિલા ખેલાડી બનીને ગૌરવ વધાર્યું છે. તેણે વન ડે માં જ ડેબ્યૂમાં સદી ફટકારી દીધી હતી. અને કરિયરનાં અંતમાં તે સૌથી વધારે રન કરનાર મહિલા ક્રિકેટર બની છે.