ગગનયાન મારફતે અવકાશની સફરે જનારા યાત્રીઓના નામ ભલે જાહેર ન થયા હોય, પણ અવકાશયાત્રીઓ તેમની યાત્રા દરમિયાન ભોજનમાં શું લેશે તેનું મેનુ તૈયાર થઈ ગયું છે. જાણો ભારતનાં ચાર એસ્ટ્રોનટ જમવામાં શું લઈને જશે...
એસ્ટ્રોનટ માટે ઈડલી અન મુંગ દાળ હલવો તૈયાર
ઈસરોનો આ પ્રોજેક્ટ પ્રાથમિક્તામાં
ભારતનું પહેલું માનવયુક્ત યાન
મિશન ગગનયાન અંતરિક્ષમાં ભારતનું પહેલું માનવયુક્ત મિશન છે. આ મિશનમાં ચાર અંતરિક્ષ યાત્રિઓની પસંદગી કરવામાં આવી છે. જેમની ટ્રેનિંગ રુસમાં આ મહિનાનાં ત્રીજા અઠવાડિયાથી શરુ કરવામાં આવશે.
વિશેષ કંટેનર પણ વિકસિત કરવામાં આવ્યું છે
મૈસૂરમાં ડિફેંસ ફુડ રિસર્ચ લેબોરેટ્રીએ મિશન ગગનયાનમાં અંતરિક્ષમાં જનારા ભારતીય અંતરિક્ષ યાત્રિઓનું ભોજન તૈયાર કર્યું છે. મિશન ગગનયાન માટે વિશેષ કંટેનર પણ વિકસિત કરવામાં આવ્યું છે. સાથે જ ગગનયાનમાં જમવાનું ગરમ કરવા માટે હીટરની પણ સુવિધા પુરી પાડવામાં આવશે.
એસ્ટ્રોનટ માટે ઈડલી અન મુંગ દાળ હલવો તૈયાર
ડિફેન્સ ફુડ રિસર્ચ લેબોરેટ્રીએ મિશન ગગનયાનમાં એસ્ટ્રોનોટ્સ માટે એગ રોલ, વેજ રોલ, ઈડલી, મુંગ દાળ હલવા અને વેજ પુલાવ સહિત વિશેષ ખાદ્ય પદાર્થ તૈયાર કર્યાં છે. લેબોરેટ્રીએ અંતરિક્ષ યાત્રિઓએ અંતરિક્ષમાં પીવા માટે વિશેષ તરલ પદાર્થ અને જ્યુસ પણ તૈયાર કરવામાં આવ્યાં છે. કેમ કે અંતરિક્ષમાં કોઈ ગુરુત્વાકર્ષણ નથી એટલા માટે મિશન ગગનયાન માટે વિશેષ કન્ટેનર પણ તૈયાર કરવામાં આવ્યું છે. સાથે સાથે જમવાનું ગરમ કરવા માટે અંતરિક્ષ યાત્રિઓને ફુડ હીટર પણ આપવામાં આવશે.
વર્ષ 2022 સુધીમાં લોન્ચ કરવામાં આવશે
મિશન ગગનયાન અંતરિક્ષમાં ભારત પહેલું માનવયુક્ત મિશન છે. ઈન્ડિયન સ્પેસ રિસર્ચ ઓર્ગેનાઈઝેશન(ઈસરો)નાં ચેરમેન સિવનનાં જણાવ્યાનુંસાર વર્ષ 2022 સુધીમાં લોન્ચ કરવામાં આવશે. સિવને આ વર્ષે પહેલા જ દિવસે 1 જાન્યુઆરીએ જાહેરાત કરી હતી કે અમારી નેક્સ પ્રાથમિકતા ગગયનયાન મિશન છે. ઉલ્લેખનીય છે કે મિશન ગગનયાન માટે ચાર એસ્ટ્રોનટની પસંદગી કરવામાં આવ્યું છે. જેમની ટ્રેનિંગ આ મહિનાનાં ત્રીજા અઠવાડિયાથી રુસમાં શરુ કરવામાં આવશે.