બ્રેકિંગ ન્યુઝ

logo

VTV / સ્પોર્ટસ / Cricket / Mission Asia Cup over! Now Team India is ready for the ODI World Cup, know where and when the match will be played

ICC World Cup 2023 / મિશન Asia Cup ખતમ! હવે વનડે વર્લ્ડકપ માટે ટીમ ઇન્ડિયા તૈયાર, જાણો ક્યાં અને ક્યારે રમાશે મેચ

Megha

Last Updated: 08:55 AM, 18 September 2023

logo

FOLLOW ON

logo

શેર કરો

logo logo logo
article-logo

એશિયા કપ 2023 માં વિજય નોંધાવ્યા પછી ભારતીય ટીમ હવે વર્લ્ડ કપ 2023 ની તૈયારી માટે ઓસ્ટ્રેલિયા સામે ત્રણ મેચની ODI સિરીઝ રમશે અને તેના બાદ આ ટીમ ઈન્ડિયા વનડે વર્લ્ડ કપ રમશે

  • શ્રીલંકાને હરાવીને ભારતે 8મી વાર એશિયા કપ જીત્યો 
  • ભારતીય ટીમ હવે વર્લ્ડ કપ 2023 ની તૈયારી માટે આ સિરીઝ રમશે 
  • આ સીરિઝ બાદ ટીમ ઈન્ડિયા વનડે વર્લ્ડ કપ રમશે

શ્રીલંકાને હરાવીને ભારતે 8મી વાર એશિયા કપ જીત્યો છે. કોલંબોના આર.પ્રેમદાસા સ્ટેડિયમમાં એશિયા કપની ફાઈનલમાં ભારતે શ્રીલંકા તરફથી મળેલો ઈઝી ટાર્ગેટ પૂરો કરીને આ સિદ્ધિ હાંસલ કરી છે. 5 વર્ષ બાદ ભારત એશિયા કપ ચેમ્પિયન બન્યું છે છેલ્લે 2018મા ભારતે એશિયા કપ જીત્યો હતો. 

ભારતીય ટીમ હવે વર્લ્ડ કપ 2023 ની તૈયારી માટે આ સિરીઝ રમશે 
એશિયા કપ 2023 માં વિજય નોંધાવ્યા પછી ભારતીય ટીમ હવે વર્લ્ડ કપ 2023 ની તૈયારી માટે ઓસ્ટ્રેલિયા સામે ત્રણ મેચની ODI સિરીઝ રમવા જઈ રહી છે. આ સિરીઝ ઘણી રોમાંચક બનશે, જેમાં ઘણા ખેલાડીઓ વચ્ચે જોરદાર સ્પર્ધા જોવા મળશે.

આ વર્ષની શરૂઆતમાં તેમના છેલ્લા પ્રવાસ દરમિયાન ઓસ્ટ્રેલિયાએ ચાર મેચની બોર્ડર-ગાવસ્કર ટ્રોફી 1-2થી ગુમાવી હતી પણ ODI સીરિઝ 2-1થી જીતી હતી. ભારત 5 ઓક્ટોબરથી 19 નવેમ્બરની વચ્ચે 2023 વર્લ્ડ કપની યજમાની કરશે, તેથી આ સીરિઝ બંને ટીમને મદદરૂપ બનશે. 

ભારત vs ઓસ્ટ્રેલિયા ODI શેડ્યૂલ
વનડે સીરીઝ 22 થી 27 સપ્ટેમ્બર દરમિયાન મોહાલી, ઈન્દોર અને રાજકોટમાં રમાશે. જેમાં 
- 1 ODI: 22 સપ્ટેમ્બર, બપોરે 1.30 કલાકે, પંજાબ ક્રિકેટ એસોસિએશન સ્ટેડિયમ, મોહાલી
- 2 ODI: 24 સપ્ટેમ્બર, બપોરે 1.30 કલાકે, હોલકર ક્રિકેટ સ્ટેડિયમ, ઈન્દોર
- 3 ODI: 27 સપ્ટેમ્બર, બપોરે 1.30 કલાકે, સૌરાષ્ટ્ર ક્રિકેટ એસોસિએશન સ્ટેડિયમ, રાજકોટ



ભારતની સંભવિત ટીમ
રોહિત શર્મા, હાર્દિક પંડ્યા, શુભમન ગિલ, વિરાટ કોહલી, શ્રેયસ ઐયર, કેએલ રાહુલ, રવિન્દ્ર જાડેજા, શાર્દુલ ઠાકુર, જસપ્રિત બુમરાહ, મોહમ્મદ સિરાજ, કુલદીપ યાદવ, મોહમ્મદ શમી, અક્ષર પટેલ, ઈશાન કિશન, સૂર્યકુમાર યાદવ.

ઓસ્ટ્રેલિયા સામેની આ સીરિઝ બાદ ટીમ ઈન્ડિયા વનડે વર્લ્ડ કપ રમશે. જ્યાં લીગ તબક્કામાં કુલ 9 મેચ રમવાની છે. નોંધનીય છે કે આ ટુર્નામેન્ટ માટે ટીમ ઈન્ડિયાની ટીમની જાહેરાત કરવામાં આવી છે. 

10 સ્થળો, 48 મેચ, 45 દિવસ 
વર્લ્ડ કપ 2023 માટે આ વખતે 45 દિવસમાં 48 મેચો રમાશે. આ માટે 10 સ્થળો નક્કી કરવામાં આવ્યા છે. ભારતીય ટીમ પોતાની પ્રથમ મેચ ઓસ્ટ્રેલિયા સામે 8 ઓક્ટોબરે ચેન્નાઈમાં રમશે.પહેલી સેમી ફાઈનલ 15 નવેમ્બરે મુંબઈમાં અને બીજી મેચ બીજા દિવસે કોલકાતામાં રમાશે. બંને સેમિફાઇનલમાં રિઝર્વ ડે રહેશે. ફાઇનલ મેચ અમદાવાદમાં 19 નવેમ્બરે યોજાશે જ્યારે 20 નવેમ્બર રિઝર્વ ડે હશે. ત્રણેય નોકઆઉટ મેચો ડે-નાઈટ રહેશે.

ટીમમાં હજુ પણ ફેરફાર થઈ શકે છે
ભારત સહિત અન્ય તમામ 10 દેશોની ટીમોમાં હજુ ફેરફારનો અવકાશ છે. જો કોઈ દેશ તેની જાહેર કરાયેલી ટીમમાં ફેરફાર કરવા માંગે છે, તો તે ICCની પરવાનગી વિના 28 સપ્ટેમ્બર સુધી ફેરફાર કરી શકે છે. પરંતુ 28 સપ્ટેમ્બર સુધીમાં તેણે અંતિમ 15 સભ્યોની ટીમ જણાવવી પડશે. આ પછી ICCની મંજૂરી પછી જ ફેરફારો કરી શકાય છે.

ભારત-પાકિસ્તાન વચ્ચે 14 ઓક્ટોબરે મેચ રમાશે
આવું પહેલીવાર થવા જઈ રહ્યું છે કે ભારત એકલા જ વનડે વર્લ્ડ કપની મેજબાની કરશે. આ પહેલા તેણે 1987, 1996 અને 2011 વર્લ્ડ કપની સંયુક્ત રીતે આયોજન કર્યું હતું. ભારતીય ટીમ વર્લ્ડ કપ 2023 સીઝનમાં તેની પ્રથમ મેચ 8 ઓક્ટોબરે રમશે. આ મેચ ઓસ્ટ્રેલિયા સામે ચેન્નાઈમાં રમાશે. જ્યારે ભારત અને પાકિસ્તાન વચ્ચે 14 ઓક્ટોબરે શાનદાર મેચ રમાશે. આ મેચ અમદાવાદના નરેન્દ્ર મોદી સ્ટેડિયમમાં રમાશે. 

ભારતીય ટીમનું શેડ્યૂલ
-  8 ઑક્ટોબરે ઑસ્ટ્રેલિયા સામે રમાશે મેચ,  ચેન્નાઈ
- 11 ઑક્ટોબરે અફઘાનિસ્તાન સામે રમાશે મેચ, દિલ્હી
- 14 ઑક્ટોબરે પાકિસ્તાન સામે રમાશે મેચ, અમદાવાદ
- 19 ઑક્ટોબરે બાંગ્લાદેશ સામે રમાશે મેચ,  પુણે
- 22 ઑક્ટોબરે  ન્યૂઝીલેન્ડ સામે રમાશે મેચ, ધર્મશાલા
- 29 ઑક્ટોબરે ઈંગ્લેન્ડ સામે રમાશે મેચ, લખનઉ
- 2 નવેમ્બરે શ્રીલંકા સામે રમાશે મેચ, મુંબઈ
- 5 નવેમ્બરે દક્ષિણ આફ્રિકા સામે રમાશે મેચ, કોલકાતા
- 12 નવેમ્બરે  નેધરલેન્ડ સામે રમાશે મેચ,  બેંગલુરુ

વર્લ્ડ કપ 2023 માટે ભારતની ટીમ: 
રોહિત શર્મા (કેપ્ટન), વિરાટ કોહલી, જસપ્રિત બુમરાહ, શુભમન ગિલ, કેએલ રાહુલ, હાર્દિક પંડ્યા, શ્રેયસ ઐયર, રવિન્દ્ર જાડેજા, ઈશાન કિશન, સૂર્યકુમાર યાદવ, કુલદીપ યાદવ, મોહમ્મદ સિરાજ, મોહમ્મદ શમી, અક્ષર પટેલ અને શાર્દુલ ઠાકુર.

સંકળાયેલા મુદ્દાઓ

Asia Cup 2023 ICC ODI World Cup 2023 ODI World Cup 2023 ODI World Cup schedule Team India World Cup 2023 ક્રિકેટ વર્લ્ડકપ 2023 World Cup 2023
background
logo

VTV Gujarati

WhatsApp Channel Invite

સબસ્ક્રાઇબ કરો

દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.

logo

સૌથી વધુ વંચાયેલું

ADVERTISEMENT

log

હોમ પેજ

log

બ્રેકિંગ ન્યુઝ

log

વીડિયોઝ

log

વેબ સ્ટોરીઝ

log

મેનુ