છાન-બિન / CID ક્રાઈમમાં કર્મચારીઓનું કામ 'મિસિંગ', 14 વર્ષમાં 1728 ગુમ વ્યક્તિઓમાંથી માત્ર આટલા લોકોને જ શોધી શકી

• CID ક્રાઇમના મિસિંગ સેલની કામગીરી
• દર ત્રણ મહિને એક ખાસ ડ્રાઈવનું આયોજન
• 2007 થી 2021 સુધીના મિસિંગ બાળકોનો ડેટા ..

અમદાવાદ શહેરમાંથી છેલ્લા 14 વર્ષમાં કુલ 1728 જેટલા વ્યક્તિઓ ગુમ થયેલા હોવાની વાત પોલીસ ચોપડે નોંધાયેલી હતી જેમાં 25-10-2021 થી 30-10-2021 સુધીમાં કુલ 151 વ્યક્તિઓ ને સી.આઈ.ડી ક્રાઇમ દ્વારા શોધી કાઢવામાં આવ્યા છે ઉલ્લેખનીય છે વર્ષ 2012 માં શહેરના આનંદનગરના રેડિયો મીરચી રોડ ઉપરથી વિશ્વા સુરેશ ભાઈ પટેલ છેલ્લા દસ વર્ષથી ગુમ થયેલ છે તેને શોધવામાં હજી સુધી પોલીસ અને સી.આઈ.ડી ક્રાઇમ જેવી એજન્સીઓને કોઈ સફળતા હાંસલ થઈ નથી.

પૂર્વ વિસ્તારમાંથી બાળકો થાય છે ગૂમ 

સી.આઈ.ડી ક્રાઇમના મિસિંગ સેલ દ્વારા વર્ષ 2007 થી વર્ષ 2021 સુધીમાં 151 જેટલા ગુમ થયેલા વ્યક્તિઓને શોધી કાઢવામાં આવ્યા છે જેમાં બાળકોથી લઈને મૃત વ્યક્તિઓનો પણ સમાવેશ થઇ રહ્યો છે.મોટા ભાગના ગુમ થયેલા બાળકોમાં શહેરના પૂર્વ વિસ્તારનો સમાવેશ થઈ રહ્યો છે.

CID ક્રાઈમ 'એક્ટીવ' 

વર્ષોથી સુષુપ્ત અવસ્થામાં રહેલી સી.આઈ.ડી ક્રાઇમના મિસિંગ સેલની કામગીરી અચાનક સામે આવતા પોલીસ બેડામાં પણ ઘણા તર્કવિતર્ક ગુંજી રહ્યા છે, સી.આઈ.ડી ક્રાઇમ ની ઢીલી તપાસ ને લઈને અનેકો વખત ઘણાં સવાલો પણ ઉભા થયા છે પરંતું હજી સુધી કોઈ નક્કર કાર્યવાહી કોઈપણ કર્મચારી પર કરવામાં આવી હોય તેવો કિસ્સો સામે આવ્યો નથી તપાસના નામે સી.આઈ.ડી ક્રાઇમ રિપોર્ટ જ સબમીટ કરાવતી હોય છે.તાજેતરમાં થોડાક વર્ષો અગાઉ પણ પાઇરસી એકટની કાર્યવાહીના નામે પણ ઘણી ફરિયાદી રાજ્ય પોલીસ વડા સુધી લેખિતમાં કરવામાં આવી ચુકી છે પરંતુ તેવી અનેક ફરિયાદોના નિકાલ અને નિરાકરણમાં ઘણો જ વિલંબ થઈ રહ્યો છે...