રાજસ્થાનમાં પેટ્રોલના ભાવ ઊંચા હોવાના કારણે, રાજસ્થાનીઓ પેટ્રોલ માટે ગુજરાતના મહીસાગર જિલ્લામાં પેટ્રોલ ભરાવવા આવે છે.આ પરિણામે મહીસાગર જીલ્લાના પંપ પર પેટ્રોલ ખાલીના પાટીયા.
રાજસ્થાનમાં પેટ્રોલ-ડીઝલના ઊંચા દર
નાગરીકો પેટ્રોલ-ડીઝલ માટે આવે છે ગુજરાત
મહીસાગર જિલ્લામાં 'પેટ્રોલ નથી'ના પાટીયા
કોંગ્રેસ શાસિત રાજ્ય રાજસ્થાનમાં પેટ્રોલના ભાવ ઊંચા હોવાના કારણે,રાજસ્થાન બોર્ડરથી ત્યાના વતનીઓ પેટ્રોલ માટે પોત્તાના વાહનો લઈને ગુજરાતના મહીસાગર જિલ્લામાં પેટ્રોલ ભરાવવા આવે છે. બોર્ડરથી નજીકના ગામોમાં રાજસ્થાનીઓ પેટ્રોલ ભરાવવા આવતા મહીસાગર જીલ્લાના પેટ્રોલ પંપ પર, પેટ્રોલ ખાલી થઇ ગયાના પાટીયા ઝૂલવા લાગ્યા છે. રાજસ્થાન બોર્ડર નજીક આ જ પરિણામે પેટ્રોલની તંગી સર્જાઈ છે.
ભાવ ઘટાડવા અમિત શાહનો ફોન-ગહેલોત
રાજસ્થાનમાં પેટ્રોલ-ડીઝલના ભાવ ભડકે બળે છે.ત્યારે ગહેલોત સરકારે વેટમા ઘટાડો કરવા રજૂઆત કરી છે તો રાજસ્થાન ભાજપ પ્રદેશ અધ્યક્ષે પણ સોનિયા ગાંધીને પત્ર લખ્યો છે. રાજસ્થાનમાં પેટ્રોલ-ડીઝલના ભાવ ઘટાડવા માટે કેન્દ્રીય ગૃહમંત્રી અમિત શાહે પણ રાજ્સ્થાનનાં મુખ્યમંત્રી અશોક ગહેલોતને ફોન કર્યો હોવાનું,ગહેલોતે નિવેદન પણ આપ્યું હતું. રાજસ્થાનમાં પેટ્રોલ-ડીઝલના ભાવ ઊંચા હોવાથી,નાગરીકો ગુજરાત તરફ વળ્યા છે.રાજસ્થાન બોર્ડરથી નજીક આવેલા મહીસાગર જિલ્લામાં પ્રવેશી પેટ્રોલ પંપ પરથી રાજસ્થાની નાગરીકો પેટ્રોલ ભરાવી જાય છે.આ જ કારણોસર, જિલ્લાના કેટલાય પેટ્રોલ પંપ પર 'પેટ્રોલ નથી'નાં પાટીયા ઝૂલવા લાગ્યા છે.
ભાવમાં મોટો તફાવત
રાજસ્થાનમાં ડીઝલ 98 રૂપિયા અને પેટ્રોલનો ભાવ 113 રૂપિયા પ્રતિ લીટર છે. ગુજરાતમાં પ્રતિ લીટર 96 રૂપિયાના ભાવે પેટ્રોલ વેચાય છે. અને ડીઝલનો ભાવ 90 રૂપિયા છે. મસમોટા ભાવ ફેરના કારણે,રાજસ્થાની નાગરીકો,ગુજરાતમાં આવીને પેટ્રોલ -ડીઝલ ભરાવી જાય છે.સસ્તુ પેટ્રોલ-ડીઝલ પુરાવવા રાજસ્થાનના લોકોની ગુજરાતમાં દોટ લાગતા ગુજરાતના લોકો પેટ્રોલથી વંચિત રહી જાય છે.