ચાર દિવસ અગાઉ ભચાઉના લખાપર ગામે ભેદી સંજોગોમાં ગુમ થયેલી અને બીજા દિવસે પડોશના બંધ ઘરમાંથી મૃત મળી આવેલી 7 વર્ષની બાળકીના બનાવમાં જે આશંકા સેવાતી હતી તે જ બાબત બહાર આવી છે. ગામના જ એક યુવકે હેવાનીયતની હદ પાર કરી બાળકી સાથે દુષ્કર્મ કરી હત્યા નિપજાવી.
ચાર દિવસ અગાઉ લખાપર ગામે ભેદી સંજોગોમાં ગુમ થયેલી 7 વર્ષની બાળકી મળી આવી હતી
ગામનો જ 22 વર્ષીય યુવક ફોસલાવીને ઘરમાં લઇ ગયો હતો, જ્યાં દુષ્કર્મ આચરી કરી હત્યા
વિજય પ્રતાપ કોલીને પોલીસે માળીયા પાસેથી ઝડપી લીધો
ભચાઉના લાખાપર ગામમાં પોતાના પરીવાર સાથે રહેતી નામની બાળકી ગુમ થઈ હતી, ત્યારબાદ તેની લાશ બાજુના જ એક બંધ ઘરમાંથી મળી આવી હતી. બાળકીની હત્યા કરાઈ હોવાનું જણાતા પોલીસે બાળકીનો મૃતદેહ પી.એમ.માટે જામનગર મોકલ્યો હતો, તે પૈકી પોલીસે તપાસ તેજ બનાવી હતી. પોલીસે હ્યુમન સર્વેલન્સના આધારે તપાસ કર્યા હકીકત સામે આવી કે દુષ્કર્મ કરવાના હેતુથી ગામના જ 22 વર્ષનો યુવક તેને લલચાવી-ફોસલાવી બંધ ઘરમાં લઈ ગયો હતો. જ્યાં દુષ્કર્મ આચરીને તેણે ગળું-મોઢું દબાવી માસૂમને મોતને ઘાટ ઉતારી હતી.
ચકચારી બનાવમાં પોલીસે માસૂમ બાળકીના હેવાન વિજય પ્રતાપ કોલીને હરીપર-માળીયા પાસેથી દબોચી લીધો છે. 22 વર્ષિય અપરિણીત વિજય લખાપરમાં જ રહે છે અને મજૂરીકામ કરે છે. 26મીની બપોરે માસીના ઘર તરફ જતી એકલી બાળકીને જોઈ તેના મનમાં કામવાસના સળવળી હતી અને ‘તું મારી પાછળ અહીં આવ’ તેમ કહી નજીકના બંધ ઘરમાં લઈ ગયો હતો. જ્યાં તેણે આ પિશાચી કૃત્ય આચર્યું હતું. ગુનો આચર્યાં બાદ તે ગામમાંથી ગુમ થઈ ગયો હતો. પોલીસે સઘન તપાસ અને પૂછતાછ કરતાં વિજય લાપત્તા હોવાનું બહાર આવતાં પોલીસે તેને શોધવા તપાસ શરૂ કરી હતી. તેને માળીયા પાસેથી ઝડપીને પૂછતાછ કરતાં ગુનો કબૂલી લીધો હતો. પોલીસે મજબૂત પૂરાવા એકત્ર કરવા આરોપીનો DNA ટેસ્ટ કરાવવા નિર્ણય કર્યો છે.
હજુ થોડા સમય પહેલા જ ભચાઉ નજીક જ આવો નાની બાળકી પર દુષ્કર્મ હત્યાનો બનાવ પ્રકાશમાં આવ્યો હતો. તેવામાં 27 તારીખે ગુમ બાળકી મામલે પણ આવુજ થયુ હોવાની પ્રાથમિક શંકા હતી. જો કે નાના ગામમાં બનેલી ઘટનામાં જાણભેદુનો હાથ હોવાની શંકા સાથે પોલીસે તપાસ શરૂ કરી હતી અને ગણતરીની કલાકોમાં ભેદ ઉકેલી નાંખ્યો છે. જો કે નાની બાળાઓ પર વધતા આવા બનાવો પોલીસ અને સામાજીક રીતે અનેક વિચાર માંગ લે તેવા છે.