દુષ્કર્મ / રાજકોટમાં ડિટરજન્ટ પાવડર લેવા આવેલી 8 વર્ષની બાળકી સાથે દુષ્કર્મ, સગીરે દુકાનમાં પુરીને..

• રાજકોટમાં 8 વર્ષની બાળકી સાથે દુષ્કર્મ ઘટના
• ડિટરજન્ટ પાવડર લેવા આવેલી બાળકી સાથે દુષ્કર્મ 
• દુકાનમાં કામ કરતા શખ્સે દુષ્કર્મ આચરતા નોંધાઈ ફરિયાદ 

રાજકોટમાં 8 વર્ષની માસૂમ બાળકી સાથે દુષ્કર્મ ઘટના બની હોવાનું સામે આવતાં ખળભળાટ મચી ગયો છે. દુકાનમાં  ડિટરજન્ટ પાવડર લેવા આવેલી બાળકી સાથે દુકાનમાં જ કામ કરતા શખ્સે દુષ્કર્મ આચર્યું હોવાનું સામે આવ્યું છે. ઘટનાને પગલે સમગ્ર પંથકમાં ચકચાર મચી ગયો છે. હાલ તો સમગ્ર મામલો પોલીસ મથકમાં પહોંચતા પોલીસ આ મામલે ફરિયાદ નોંધી, કેસની તપાસ મહિલા પોલીસના હાથમાં સોંપી દીધી છે. રાજ્યમાં ક્રાઈમ રેટ વધી રહ્યો છે ત્યારે દુષ્કર્મના કેસમાં પણ વધારો જોવા મળી રહ્યો છે અગાઉ પણ દુષ્કર્મની અનેક ફરિયાદો સામે આવી છે ત્યારે રાજકોટની આ ઘટનાને લઈને આસપાસના વિસ્તારોમાં પણ હડકંપ મચી ગયો છે. 

સુરતમાં અઢી વર્ષની બાળકી પર થયું હતું દુષ્કર્મ

મહત્વનું છે કે થોડા દિવસ પહેલા જ સુરતમાં અઢી વર્ષની બાળકી પર દુષ્કર્મ બાદ હત્યાના કેસમાં સુરતની સેશન્સ કોર્ટનો ઐતિહાસિક ચૂકાદો આપતા આરોપીને ફાંસીની સજા સંભળાવી છે આરોપીએ બાળકીનું ઘરમાંથી અપહરણ કરી દુષ્કર્મ આચર્યું હતું. ઘરથી થોડા અંતરે બાળકીનો મૃતદેહ મળી આવ્યો હતો બાળકી સાથે દુષ્કર્મ બાદ ગળું દબાવી હત્યા કરી હતી જેમાં પોલીસે 7 દિવસમાં ચાર્જશીટ દાખલ કરી હતી. અઢી વર્ષની બાળકી સાથે દુષ્કર્મ બાદ હત્યા કેસમાં આરોપીને ફાંસીની સજા સંભળાવી છે ત્યારે સુરતમાં જ 10 વર્ષની બાળકી સાથે દુષ્કર્મ બાદ હત્યા કેસમાં કોર્ટ આરોપીને દોષિત જાહેર કર્યો હતો જેનો ચુકાદો આવે આવી શકે છે.

સુરતમાં 10 વર્ષની બાળકી સાથે થયું હતું દુષ્કર્મ 

અગાઉ સુરતમાં 10 વર્ષની બાળકી સાથે દુષ્કર્મ બાદ હત્યા કરી દેવામાં આવી હતી. પાંડેસરામાં પાડોશમાં રહેતો દશરથ બૈસાણે બાળકીને વડાપાઉં ખવડાવવાની લાલચ આપીને લઈ ગયો હતો અને તેની સાથે દુષ્કર્મ બાદ બાળકીના માથામાં ઈંટના ઘા મારીને તેની હત્યા નિપજાવી દેવામાં આવી હતી. આ ઘટના 7 ડિસેમ્બરે 2020ના રોજ બનેલી ઘટનામાં 15 જ દિવસમાં જ પોલીસે પુરાવાઓ એકત્રિત કરી કોર્ટમાં 232 પાનાની ચાર્જશીટ રજૂ કરી હતી. પોલીસ તપાસમાં બાળકીના શરીર પર 49 જેટલા ઇજાના નિશાન મળી આવ્યા હતા. જે બાદ આરોપીને કોર્ટમાં રજૂ કરાયો હતો. જેમાં કોર્ટ આરોપીને દોષિત જાહેર કર્યો છે. ત્યારે આજે કોર્ટ આ મામલે સજા સંભાવી શકે છે.