શરમજનક / અમદાવાદમાં નોકરીના બહાને 19 વર્ષીય યુવતી સાથે દુષ્કર્મ, એક અઠવાડિયા સુધી ઘરમાં ગોંધી રાખી

• 19 વર્ષની યુવતી પર બળાત્કારની ઘટના 
• નોકરીના બહાને ફોસલાવી યુવતી પર અવાર-નવાર કર્યો હતો બળાત્કાર 
• યુવતીને એક અઠવાડિયા સુધી ઘરમાં ગોંધી રાખી હતી

ઇસનપુર પોલીસ સ્ટેશનમાં 19 વર્ષની યુવતી પર બળાત્કારની ઘટનાને પગલે બે આરોપીઓની ધરપકડ કરવામાં આવી છે. પોલીસે બન્ને આરોપી સુમિત ઉપ્પલ અને તેના ભાઈ સની ઉપ્પલની ધરપકડ કરી છે. ઉલ્લેખનીય છે કે, 19 વર્ષની યુવતીને નોકરી આપવાના બહાને આરોપી સુમિતે તેને પોતાની જાળમાં ફસાવી. પહેલા શારીરિક અડપલા કર્યા અને ત્યારબાદ પગાર આપવાના બહાને બળાત્કાર કર્યો. પરંતુ આખરે ભાંડો ફૂટયો અને બળાત્કારી સુમિત સહિત તેનો પરિવાર બે નકાબ થઇ ગયો.

ઘટનાની વિગત વાર વાત કરીએ તો 19 વર્ષની યુવતી દસ ધોરણ સુધી ભણેલી હતી. તે નોકરીની શોધમાં ઇસનપુર વિસ્તારમાં ફરી રહી હતી. તે દરમિયાન ટ્રાન્સપોર્ટ કંપની ધરાવતા આરોપીની ઓફિસ પર અચાનક પહોંચી. આરોપીએ નોકરી આપવાની લાલચ બતાવી તને કામ પર રાખી અને અડપલાં શરૂ કર્યા. 

પગાર આપવાની વાત કરી યુવતીને તેના ઘરે બોલાવી અને બળાત્કાર ગુજાર્યો. આરોપીના આ દુષ્કર્મની ઘટનામાં તેનો ભાઈ પિતા અને અન્ય એક મહિલા પણ સામેલ હતા. કારણ કે તમામ લોકોને જાણ હોવા છતાં યુવતીને એક અઠવાડિયા સુધી ઘરમાં ગોંધી રાખી અને તેના પરિવાર સાથે સંપર્ક પણ ન કરવા દીધો. પરંતુ આખરે યુવતીની માતા ને સમગ્ર ઘટનાની જાણ થઈ અને ઇસનપુરમાં પોલીસ ફરિયાદ નોંધાવી. બળાત્કારની ફરિયાદ નોંધાતા ઇસનપુર પોલીસે ગણતરીના દિવસોમાં આરોપી સમીર અને તેના ભાઈ સન્નીને ઝડપી જેલ હવાલે કરી દીધા છે.

હાલ પોલીસે બંને આરોપીઓને જેલના સળિયા પાછળ ધકેલી બળાત્કારની ઘટનામાં હકીકતના મૂળ સુધી પહોંચવા કવાયત શરૂ કરી છે. તો બીજી તરફ બળાત્કારના કેસમાં આરોપી સુમિતના પિતા રાકેશ ઉપ્પલ અને રિયા ઉર્ફે સેફાલીની ધરપકડ કરવા કવાયત હાથ ધરી છે. આ ઘટના પરથી એક વાત ફલિત થાય છે કે નોકરી આપનાર દરેક વ્યક્તિ એક સરખા નથી હોતા. એટલા માટે જ બળાત્કારની આવી ઘટનાઓ આકાર લેતી હોય છે.