ચુકાદો / અમદાવાદઃ નકલી નોટો છાપવાના કેસમાં કોર્ટે આરોપી રાહુલ પંડ્યાને સાત વર્ષની સજા ફટકારી

અમદાવાદમાં નકલી નોટો છાપવાનો કેસના મામલે મીરજાપુર ગ્રામ્ય કોર્ટનો મહત્વનો ચુકાદો છે. આરોપી રાહુલ પંડ્યાને સાત વર્ષની સજા ફટકારી છે. 21 દસ્તાવેજો અને 14 સાક્ષીઓની જુબાનીના આધારે કોર્ટે ચુકાદો આપ્યો છે. બંધબારણે ઘરમાં આરોપી નકલી નોટો છાપતો હતો. વેજલપુર પોલીસે આરોપીની ધરપકડ કરી હતી.

આર્થિક સંકળામણના કારણે ઘરના કોમ્પ્યુટરમાં નકલી નોટો બનાવી બેંકમાં જમા કરવા રાહુલ પંડ્યાની ધરપકડ કરવામાં આવી હતી. 500ની 31 નકલી નોટો બનાવી લીધી હતી, જેને વેજલપુરની બેંકમાં ભરવા ગયો હતો.

જે દરમિયાન કેશિયરને નકલી નોટ હોવાની જાણ થતા તેણે પોલીસને જાણ કરી હતી. જ્યારબાદ પોલીસ દ્વારા તેની ધરપકડ કરવામાં આવી હતી. જેને એસઓજીને સોંપી દેવામાં આવ્યો હતો.

તેમણે પોલીસને જણાવ્યું હતું કે, ઘરમાં આર્થિક તંગીથી કંટાણીને તેણે જાતે કોમ્પ્યુટરની મદદથી આ નોટો બનાવી હતી.