IPLIN
 

દુઃખદ / મિરઝાપુરના લોકપ્રિય અભિનેતાનું મોત, મુંબઈના ફ્લેટમાં ત્રણ દિવસ બાદ બાથરૂમમાં મળ્યો મૃતદેહ

Team VTV 04:30 PM, 02 Dec 21 | Updated: 04:35 PM, 02 Dec 21
Follow us
Mirzapur actor Bramha Mishra found dead in Versova flat

બ્રહ્માને 29 નવેમ્બરે ચેસ્ટ પેનની ફરિયાદ બાદ ડોક્ટરે ગેસની દવા આપીને ઘરે મોકલી દીધા હતા. પરંતુ ઘરે જ તેમને હાર્ટ એટેક આવ્યો અને તેમનું મોત થયું હતું.

  • વેબસીરીઝ મિર્ઝાપુરથી મળી હતી ઓળખ 
  • લલિતની ભુમિકા નિભાવિ ચુકેલા બ્રહ્મા મિશ્રાનું મોત
  • ચેસ્ટ પેઈનની ફરિયાદ બાદ ડોક્ટરે ગેસની દવા આપી હતી 

વેબસીરીઝ મિર્ઝાપુરમાં મુન્ના ભૈયાના ખાસ મિત્ર લલિતની ભુમિકા નિભાવિ ચુકેલા બ્રહ્મા મિશ્રાનું મોત થઈ ગયું છે. બ્રહ્માને 29 નવેમ્બરે ચેસ્ટ પેઈનની ફરિયાદ બાદ ડોક્ટરે ગેસની દવા આપીને ઘરે મોકલી દીધા હતા. પરંતુ ઘરે જ તેમને હાર્ટ એેટેક આવ્યો અને તેમનું મોત થયુ હતું. 

ભયાનક વાત એ છે કે તેમની લાશ ત્રણ દિવસ સુધી ઘરના બાથરૂમમાં પડેલી રહી હતી. હાલ મુંબઈમાં પોલીસ તેમના મૃતદેહનું પોસ્ટમોર્ટમ કરી રહી છે જેથી મોતના કારણની જાણકારી મળી શકે. 

 
 
 
 
 
 
 
 
 
 
 
 
 
 
 

A post shared by Divyenndu 💫 (@divyenndu)

ભોપાલના છે બ્રહ્મા 
ભોપાલના રાયસેનના રહેવાસી બ્રહ્મા મિશ્રા 32 વર્ષના છે. તેમણે રાયસેનમાં જ 10માં ધોરણ સુધીનો અભ્યાસ કર્યો છે. તેમના પિતા ભૂમિ વિકાસ બેન્કમાં કાર્યરત છે. બ્રહ્માએ મિર્ઝાપુરના ઉપરાંત કેસરી, હસીન દિલરૂબા, માંઝી, બદ્રીનાથની દુલ્હનિયામાં પણ કામ કર્યું છે. 

આ વર્ષે આવી હતી છેલ્લી ફિલ્મ 
બ્રહ્માએ 2013માં ચોર ચોર સુપર ચોરથી ડેબ્યુ કર્યું હતું. તેમની છેલ્લી ફિલ્મ 2021માં તાપસી પન્નૂની સાથે આવી હતી. જેનું નામ 'હસીન દિલરૂબા' હતું. મુંબઈમાં સંઘર્ષ વખતે તેમને ક્યારેય ફાઈનાન્શિયલ ક્રાઈસિસનો સામનો ન હતો કરવો પડ્યો કારણ કે તેમના પિતા અને મોટા ભાઈ સંદીપ તેમને સપોર્ટ કરતા હતા.  

બે દિવસ પહેલા એટલે કે 30 નવેમ્બરે જ બ્રહ્માનો 32માં જન્મદિવસ હતો. 5 દિવસ પહેલા બ્રહ્માએ એક ફેસબુક પોસ્ટ પણ કરી હતી. જેમાં તેમણે લખ્યું હતું કે- મોહના મોક્ષ થવાને જ મોક્ષ કહે છે.  

મિરઝાપુર mirzapur Bramha Mishra dead Versova flat
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ