કૃષ્ણ જન્મોત્સવ પર માખણથી ભરેલી મટકી ફોડવાની પરંપરા છે પરંતુ મુંબઈમાં બનેલી એક ઘટનાએ લોકોમાં ભારે કુતૂહલ પેદા કર્યું છે.
મુંબઈમાં કૃષ્ણ જન્માષ્ટમીએ ચમત્કાર થયો હોવાની લોકલાગણી
અસંખ્ય વાર પ્રયાસ છતા બે યુવાનો દહી હાંડી ન તોડી શક્યા
લોકોએ આ ઘટનાને ભગવાન કૃષ્ણનો ચમત્કાર ગણાવી
ભગવાન કૃષ્ણના જન્મદિવસ એવા જન્માષ્ટમીએ માખણ કે દહીથી ભરેલી મટકી ફોડવાની જુની પરંપરા છે. લોકો આ દિવસે અમુક ઊંચાઈએ દોરડા પર બાંધેની મટકી ફોડતા હોય છે ગમે તેવી મટકી હોય તો પણ તે ફૂટી જતી હોય છે પરંતુ કદાચ પહેલી વાર મુંબઈમાં એક એવી ઘટના બની છે કે જેમાં અસંખ્ય વાર કોશિશ કરવા છતા પણ મટકી ફૂટી નહોતી અને તેથી લોકો આ ઘટનાને એક ચમત્કાર ગણાવી રહ્યાં છે.
અસંખ્ય પ્રયાસો છતા બે યુવાનો મટકી ન ફોડી શક્યા
મુંબઈમાં દહી હાંડી ફોડવાની જુની પરંપરા છે અને લોકો ખૂબ જ શ્રદ્ધાપૂર્વક તેમાં ભાગ લેતા હોય છે. શુક્રવારે જન્માષ્ટમીના અવસરે એક ઠેકાણે મટકી ફોડવાના કાર્યક્રમનું આયોજન થયું હતું જેમાં મોટી સંખ્યામાં લોકો જોડાયા હતા, કાર્યક્રમ પ્રમાણે એક ઊંચાઈએ દહીથી ભરેલી મટકી બાંધવામાં આવી હતી. પહેલા યુવાને ઉપર ચડીને મટકી ફોડવાનો પ્રયાસ કર્યો હતો. યુવાને અસંખ્ય વાર પ્રયાસ કર્યો તેમ છતાં પણ મટકી ફૂટવાનું નામ લેતી નથી. યુવકે મરણિયા બનીને પ્રયાસ કર્યો તેમ છતાં પણ તે સફળ ન થયો. આથી તે યુવાન નીચે ઉતરી ગયો હતો અને બીજો યુવાને મટકી ફોડવા ઊંચે ચડ્યો હતો. બીજા યુવાને પણ તેનાથી થાય તેટલું જોર લગાવ્યું હતું છતાં પણ તે મટકી ફોડી શક્યો નહોતો. આખરે મટકીમાં એવું તે શું હતું કે અસંખ્ય પ્રયાસ કરવા છતાં પણ યુવાનો મટકી ન ફોડી શક્યા. જન્માષ્ટમીમાં આવી કદાચ પહેલી ઘટના હશે અને લોકો આ ઘટનાને ચમત્કાર ગણાવી રહ્યાં છે.
ઘટનાનો વીડિયો વાયરલ થયો
આ ઘટનાનો વીડિયો સોશિયલ મીડિયા પર વાયરલ થયો હતો અને લોકો તેને જન્માષ્ટમીએ બનેલી ચમત્કારી ઘટના ગણાવી રહ્યાં છે. અસંખ્ય લોકોએ પણ આ ઘટનાને ચમત્કારીક ગણાવી છે.