ક્યારેક ન બનવાની ઘટનાઓ બની જતી હોય છે ત્યારે કાળા માથાનો માનવી વિચારતો જ રહી જાય છે તેને બોલવાના પણ હોશ રહેતા નથી. આવી જ એક ઘટના ચીનના હુબઈ પ્રાંતમાં બની છે.
ચીનના હુબઈ પ્રાંતની ઘટના
શબઘરમાં ડોક્ટરો કરી રહ્યાં હતા પોસ્ટમોર્ટમ
અચાનક બેઠો થયો શખ્સ
ડોક્ટરોના હાજા ગગડી ગયા
ચીનના હુબઈ પ્રાંતના એક શબઘરમાં જે ઘટના બની છે તેનાથી આખુ વિશ્વ અચંભિત બની ગયું છે. આ પહેલા ક્યારેય પણ આવી ઘટના બની નથી. શબઘરમાં થયેલા ચમત્કારથી ભલભલા વૈજ્ઞાનિકો અને ડોક્ટરો માથુ ખંજળવાતા રહ્યાં છે. હુબઈ પ્રાંતના શબઘરમાં પોસ્ટમોર્ટમ દરમિયાન એક શખ્સ અચાનક જીવતો થયો હતો અને આ જોઈને ડોક્ટરો તો કાપો તો લોહી ન નીકળે તેવા બની ગયા હતા.
હુબઈના શબઘરમાં ત્રણ ડોક્ટરો કોરોનાથી મરેલા દર્દીનું પોસ્ટમોર્ટમ કરી રહ્યાં હતા
હુબઈનના શબઘરમાં ત્રણ ડોક્ટરો કોરોનાથી મરેલા દર્દીનું પોસ્ટમોર્ટમ કરી રહ્યાં હતા. ડોક્ટરો કફન છોડીને એક લાશને ટેબલ પર લાવ્યાં હતા અને તેમનું પરનું કપડું હટાવીને પોસ્ટમોર્ટમ કરવા લાગ્યા હતા. પરંતુ જેવું ડોક્ટરો તેમના શસ્ત્રો વડે શરીર પર છેદ કે કાપાકૂપી કરી તે પહેલા દર્દીમાં શ્વાસનો સંચાર થયો હતો. ડોક્ટરોની નવાઈ વચ્ચે દર્દીના શ્વાસ ચાલુ થયા હતા. આ જોઈને ડોક્ટરો ભારે આઘાત પામ્યા હતા તેમને ખબર પડતી નહોતી કે આ કેવી રીતે બન્યું. ડોક્ટરો વધુ ખરાઈ અર્થે દર્દીની નાડી અને હૃદયના ધબકારા ચેક કર્યાં હતા અને તે પણ બરોબર જણાયા હતા , આથી ડોક્ટરોને પાકા પાયે ખાતરી થઈ કે દર્દી જીવતો છે. આ જોઈને જરા પણ સમય ન ગુમાવતા ડોક્ટરોએ તેને શબઘરમાંથી મુખ્ય હોસ્પિટલમાં લઈ ગયા હતા અને ત્યાં દર્દીને જરુરી સારવાર આપવામાં આવી હતી. દર્દીની ઉંમર 70 વર્ષની હોવાનું જણાવાય છે.
🇨🇳😷⚡In #Shanghai amid lockdown, a dead resident was taken away to the morgue in a body bag when he suddenly revived. The staff member backs away and says: "He's alive. He's alive, I saw it. Don't cover him anymore." pic.twitter.com/yGwnK1tWIn
દર્દીના શ્વાસ બંધ પડતા તેને મરેલો જાહેર કરી દેવાયો હતો
હાલમાં હુબઈની હોસ્પિટલમાં કોરોનાના ઘણા દર્દીઓની સારવાર ચાલી રહી છે અને આ 70 વર્ષીય દર્દીની પણ સારવાર ચાલી રહી હતી પરંતુ બુધવારે તેના શ્વાસ બંધ થતા ડોક્ટરોએ તેમને મૃત જાહેર કર્યો હતો અને દર્દીને કફનમાં લપેટીને શબઘરમાં લઈ જવાયો હતો. ડોક્ટરો જરા પણ ખાતરી કરી નહોતી કે તે ખરેખર મરી ગયો છે કે જીવતો છે. સ્ટ્રેચર દ્વારા મરેલા મનાતા દર્દીને શબઘરમાં લઈ જવાયો હતો અને ત્યાં લાશોના ઢગલા વચ્ચે તેને નાખી મૂકવામાં આવ્યો હતો. પરંતુ જ્યારે ડોક્ટરોએ પોસ્ટમોર્ટમ શરુ કર્યું તેની ગણતરીની મિનિટોમાં તેના શ્વાસ ચાલવા લાગ્યા હતા અને તે જીવતો થયો હતો.
બે શક્યતા હોવાનો ડોક્ટરોનો મત
આ ઘટનામાં હુબઈ હોસ્પિટલના ડોક્ટરો માની રહ્યાં છે બે શક્યતા બની હોય પહેલા તો દર્દી ખરેખર મરી ગયો હોય અને શબઘરમાં કોઈ ચમત્કાર થયો હોય અને દર્દી જીવતો થયો હોય અથવા તો જીવતના જ દર્દીને મરેલો માનીને શબઘરમાં ધકેલી દેવામાં આવ્યો અને પોસ્ટમોર્ટમ વખતે તે જીવતો હોવાનું સામે આવ્યું હોય.
શંઘાઈના શબઘરમાં જ આવો ચમત્કાર થયો હતો
કોરોના કેસમાં ઉછાળો આવતા હાલમાં ચીનનું શંઘાઈ શહેર કડક લોકડાઉન હેઠળ છે. આવી સ્થિતિમાં શંઘાઈની એક હોસ્પિટલમાં એક સિનિયર સિટિઝનને મરેલા માનીને શબઘર મોકલી દેવાયા હતા પરંતુ ત્યાં તેઓ જીવિત નીકળતા લોકો ચોંકી ઉઠ્યાં હતા. આ ઘટનાને પગલે સરકાર હરકતમાં આવી છે અને ઉચ્ચ સ્તરીય તપાસના આદેશ અપાયા છે. શબઘરની બહાર જ્યારે આ દર્દીનું સ્ટ્રેચર આવ્યું ત્યારે ત્યાં કામ કરતા બે દર્દીઓને દર્દી જીવતો હોવાનું લાગ્યું હતું અને તેમણે કફન ખોલ્યું હતું. શબઘરમાં કોરોનાના દર્દીના જીવતા થવાનો એક વીડિયો વાયરલ થયો છે. જેમાં જોઈ શકાય છે કે શંઘાઈના એક કેર સેન્ટરના શબઘરમાં બે વ્યક્તિઓ ઊભા છે અને સ્ટ્રેચર પર એક દર્દીની લાશ બાંધેલી જોઈ શકાય છે, બન્ને કર્મચારીઓ સ્ટ્રેચરની બાજુમાં ઊભા છે. પરંતુ આ દરમિયાન એક વ્યક્તિને શંકા પડી હતી અને તેણે બીજાને કહ્યું કે આ દર્દી જીવતો છે અને આપણે તેની તપાસ કરવી જોઈએ. ત્યાર બાદ બન્ને કફન ખોલીને દર્દીનું શરીર તપાસ્યું હતું અને તેમના આઘાત વચ્ચે દર્દી જીવતો નીકળ્યો હતો.ત્યાર બાદ બન્ને કર્મચારીઓ દર્દીને ફરી વાર કેર સેન્ટરમાં લઈ ગયા હતા અને તેને જરુરી સારવાર મળે તેવી વ્યવસ્થા કરાવી હતી. આ ઘટનાએ સરકાર અને લોકોને ડગાવી નાખ્યાં છે.