જ્યારથી બોલિવુડ એક્ટર શાહિદ કપૂર અને પત્ની મીરા કપૂરે કન્ફર્મ કર્યુ છે કે તેમનું બીજું બાળક જલ્દીથી તેમના પરિવારમાં આવી રહ્યું છે ત્યારથી કોઈને કોઈ કારણે બંને ચર્ચામાં રહે છે. મીરા રાજપૂત પોતાના મેટરનિટી ફેશનના કારણે પણ ચર્ચામાં રહે છે. તેના સ્ટાઈલિશ લુકના કારણે સૌ કોઈની નજર તેના પર ટકી જાય છે.
સ્પષ્ટ છે કે લોકોને જલ્દી દુનિયામાં આવનારા બાળક વિશે જાણવાની ઉત્સુકતા છે. હાલમાં આપેલા એક ઈન્ટરવ્યૂમાં મીરાએ પોતાના બાળકના નામ વિશે વાત કરી. તેણે કહ્યું ''અમે હજુ સુધી બાળકનું નામ ફાઈનલ નથી કર્યું. પરંતુ અમે લોકો પાસેથી આ વિશે અભિપ્રાય જરૂર જાણવા ઈચ્છીશું. મીશા નામ શાહિદની પસંદ હતી. આથી આ વખતે મને નામ સિલેક્ટ કરવાની તક મળશે.''
તમને જણાવી દઇએ કે મીશા શાહિદ-મીરાની પહેલી સંતાન છે અને તેનું નામ બંનેના નામોના પહેલા અક્ષરોની મળીને રાખવામાં આવ્યું છે. મીશાનો જન્મ 26 ઓગસ્ટ 2016માં થયો હતો. મીરા પોતાના બીજા બાળકના જન્મ વિશે વાત કરતા કહે છે કે ''આ વખતે હું પહેલાથી જ એક બાળકની માતા છું અને બંને પર બરાબર ધ્યાન આપવું ખૂબ જરૂરી છે. તમે નથી ઈચ્છતા કે જે બાળક તમારું પ્રિય રહ્યું હોય તેને એમ લાગે કે હવે તેની અવગણના થઈ રહી છે.''
ઉલ્લેખનીય છે કે શાહિદ અને મીરાના લગ્ન 7 જુલાઈ 2015 પર ગુડગાવમાં થયા હતા. આ કપલ સોશ્યલ મીડયા પર ખૂબ એક્ટિવ રહે છે અને પોતાની તસવીરો શેર કરે છે. શાહિદ કપૂર આ સમયે પોતાની આગામી ફિલ્મ ‘બત્તી ગુલ મીટર ચાલૂ’ના રિલીઝની રાહ જોઈ રહ્યો છે. આ ફિલ્મમાં તેની સાથે શ્રદ્ધા કપૂર અને યામી ગૌતમ મુખ્ય રોલમાં જોવા મળશે.