આઘાતજનક / મેગા સિટીની હિચકારી ઘટના, રેલવે સ્ટેશનથી અપહરણ કરીને 14 નરાધમોએ દિવસો સુધી બાળકી સાથે આચર્યું દુષ્કર્મ

મહારાષ્ટ્રની સાંસ્કૃતિક રાજધાની ગણાતી પૂણેમાં એક સગીરા સાથે ગેંગ રેપની શરમજનક ઘટના નોંધાઈ હતી. 14 નરાધમોએ આ સગીરાને વારાફરતી પોતાની હવસનો શિકાર બનાવી હતી. 

આરોપીઓની ધરપકડ 
પોલીસ તમામ 14 આરોપીઓની ધરપકડ કરી લીધી છે. સાથે પોલીસને છોકરીના મિત્ર પર શંકા છે. જો કે તેણીએ તેના વિરુદ્ધ કોઈ કેસ નોંધાવ્યો નથી. આ સગીરાનુ 31 ઓગસ્ટે પૂણે સ્ટેશનથી અપહરણ કરવામાં આવ્યું હતું. 

રિક્ષાવાળો છે મુખ્ય આરોપી 
પોલીસના જણાવ્યા અનુસાર 14 વર્ષની પીડિતા 31 ઓગસ્ટના રોજ તેના મિત્રને મળવા માટે પુણે રેલવે સ્ટેશન ગઈ હતી. જ્યારે તેનો મિત્ર લાંબા સમય સુધી ન આવ્યો, ત્યારે નજીકમાં હાજર એક ઓટો ડ્રાઈવરે તેને ઘર સુધી છોડી દેવા માટે પૂછ્યું હતું. આ પછી ઓટો ડ્રાઈવર તેને બળજબરીથી એકાંત જગ્યાએ લઈ ગયો. તેણે તેના કેટલાક મિત્રોને પણ ત્યાં બોલાવ્યા. આ પછી બધાએ એક પછી એક બળાત્કાર કર્યો હતો. 

પિતાએ ફરિયાદ નોંધાવી
આરોપી સગીરાને જુદી જુદી જગ્યાએ લઈ ગયો અને તેની સાથે અનેક વખત બળાત્કાર કર્યો. આ મામલો ત્યારે પ્રકાશમાં આવ્યો જ્યારે પીડિતાના પિતાએ ગુમ વ્યક્તિની જાણ નોંધાવી. પોલીસે જણાવ્યું હતું કે 1 સપ્ટેમ્બરના રોજ ફરિયાદ મળ્યા બાદ યુવતીની શોધખોળ શરૂ કરવામાં આવી હતી અને ટૂંક સમયમાં તેણીનો પત્તો લાગ્યો હતો. આ પછી તમામ આરોપીઓની પણ ધરપકડ કરવામાં આવી હતી.

રેલવે કર્મચારીની પણ ધરપકડ કરી હતી
એક પોલીસ અધિકારીએ જણાવ્યું કે, ગેંગરેપના સંબંધમાં છ ઓટો ડ્રાઈવર, બે રેલવે કર્મચારી સહિત કુલ 14 લોકોની ધરપકડ કરવામાં આવી છે. છોકરાના મિત્ર વિશે પણ માહિતી એકઠી કરવામાં આવી રહી છે. પોલીસને શંકા છે કે આ ઘટનામાં તેનો પણ હાથ હોઈ શકે છે. પીડિતાએ પોલીસને જણાવ્યું કે લાંબા સમય સુધી રાહ જોયા બાદ પણ જ્યારે તેનો મિત્ર ન આવ્યો ત્યારે તે પરત જવા લાગી હતી. ત્યારબાદ એક ઓટો ડ્રાઈવરે તેને ઘરે છોડી દેવા માટે પૂછ્યું હતું.

મારી નાખવાની ધમકી આપી પીડિતાના નિવેદન મુજબ મુખ્ય આરોપી રસ્તામાં તેના એક મિત્રને પણ ઓટોમાં લઈ ગયો હતો. આ પછી તે બંને તેને બળજબરીથી એકાંત સ્થળે લઈ ગયા, જ્યાં તેણી પર બળાત્કાર કરવામાં આવ્યો. પછી તેણે તેના ઘણા મિત્રોને બોલાવ્યા હતા. આરોપી તેને ઘણા દિવસો સુધી શહેરના જુદા જુદા સ્થળોએ લઈ જતો રહ્યો અને તેના પર બળાત્કાર કરતો રહ્યો. આરોપીએ તેને ધમકી પણ આપી હતી કે જો તેણે કોઈને કંઈપણ કહ્યું તો તે તેને મારી નાખશે. જોકે, અત્યાર સુધી તે છોકરી પોલીસ સુધી કેવી રીતે પહોંચી તે જાણી શકાયું નથી. પોલીસે આ કેસમાં સોમવારે 8 અને મંગળવારે 6 આરોપીઓની ધરપકડ કરી હતી. આ રીતે તમામ આરોપીઓ તેની પકડમાં આવી ગયા છે.