Wrestlers Protest / સગીર પહેલવાને બૃજભૂષણ પર લગાવેલા આરોપ પરત ખેંચ્યા, મેજિસ્ટ્રેટ સામે બીજી નોંધાવ્યું નિવેદન, જાણો હવે શું થશે

• બૃજભૂષણ શરણ સિંહ સામે જાતિય સતામણીના આરોપો
• સગીર મહિલા કુસ્તીબાજે તેના આરોપો પાછા ખેંચી લીધા છે
• સગીર મહિલા રેસલરે બે વાર નિવેદન નોંધ્યા પછી આરોપો પાછા ખેંચી લીધા

રેસલિંગ ફેડરેશન ઓફ ઈન્ડિયાના પ્રમુખ અને ભાજપના સાંસદ બૃજભૂષણ શરણ સિંહ સામે જાતિય સતામણીના આરોપો પર વિરોધ કરી રહેલા જાણીતા કુસ્તીબાજો હવે ફરજ પર પાછા ફર્યા છે આ સાથે જઅને હવે સમાચાર આવી રહ્યા છે કે એકમાત્ર સગીર મહિલા કુસ્તીબાજ જેણે સિંઘ સામે પોતાનું નિવેદન નોંધ્યું હતું તેણે તેના આરોપો પાછા ખેંચી લીધા છે. 

એક અહેવાલ મુજબ બૃજભૂષણ સિંહ વિરુદ્ધ ફરિયાદ નોંધાવનાર 7 મહિલા કુસ્તીબાજોમાંથી એકમાત્ર સગીરએ અગાઉ લગાવેલા આરોપોને પાછા ખેંચીને હવે નવા મેજિસ્ટ્રેટ સમક્ષ નવું નિવેદન આપ્યું છે. સાથે જ સગીર મહિલા રેસલરે બે વાર નિવેદન નોંધ્યા પછી હવે બ્રિજ ભૂષણ સિંહ પરના આરોપો પાછા ખેંચી લીધા છે. સગીરે એક નિવેદન પોલીસને અને બીજું મેજિસ્ટ્રેટ સમક્ષ નોંધ્યું હતું. 

અહેવાલમાં સૂત્રોના હવાલાથી જણાવ્યું છે કે 17 વર્ષીય સગીર કુસ્તીબાજે હવે મેજિસ્ટ્રેટની સામે સીઆરપીસીની કલમ 164 હેઠળ નવું નિવેદન નોંધાવ્યું છે. આ અંતર્ગત નોંધવામાં આવેલ નિવેદનને કોર્ટમાં મહત્વપૂર્ણ પુરાવા તરીકે ગણવામાં આવે છે. મેજિસ્ટ્રેટ સમક્ષ અલગ-અલગ નિવેદનો આપ્યા બાદ હવે કોર્ટ નક્કી કરશે કે આરોપો પર આગળ વધી શકાય કે નહીં. હવે કોર્ટ નક્કી કરશે કે સીઆરપીસીની કલમ 164 હેઠળ નોંધાયેલ નિવેદનને પ્રાધાન્ય આપવું જોઈએ.

એ રિપોર્ટમાં સગીર કુસ્તીબાજના પિતા પાસેથી તેમનો જવાબ માંગ્યો હતો પરંતુ તેમણે કોઈ જવાબ આપ્યો નથી. સગીર કુસ્તીબાજએ 10 મેના રોજ મેજિસ્ટ્રેટ સમક્ષ પોતાનું પહેલું નિવેદન નોંધ્યું હતું. એફઆઈઆરમાં સગીરાના પિતાએ કહ્યું હતું કે તેમની પુત્રી આરોપીના જાતીય સતામણીથી ખૂબ જ પરેશાન અને પરેશાન હતી. ફરિયાદમાં કહેવામાં આવ્યું છે કે, 'સિંઘે તેણીના ફોટા પાડવાના બહાને તેણીને બળપૂર્વક પકડી લીધી હતી અને પોતાની તરફ ખેંચી, ખભાને બળપૂર્વક દબાવી અને બાદમાં જાણી જોઈને તેણીના સ્તનોને સ્પર્શ કર્યા હતા.'

એફઆઈઆરના આધારે, બ્રિજ ભૂષણ શરણ સિંહ વિરુદ્ધ પોક્સો એક્ટની કલમ 10 અને આઈપીસીની કલમ 354, 354A, 354D અને 34 હેઠળ કેસ નોંધવામાં આવ્યો છે. POCSO એક્ટની કલમ 10 સગીર સાથેના જાતીય હુમલા સાથે સંબંધિત છે અને તેમાં 7 વર્ષ સુધીની જેલની જોગવાઈ છે. બીજી તરફ IPCની કલમ 354 હેઠળ દોષિત ઠરનાર વ્યક્તિને 3 વર્ષ સુધીની જેલની સજા થઈ શકે છે.

બ્રિજ ભૂષણ શરણ સિંહ તેમના પર લાગેલા આરોપોને નકારી રહ્યા છે. કુસ્તીબાજો તેમની સામે એફઆઈઆર નોંધવાની માંગ સાથે સુપ્રીમ કોર્ટમાં પહોંચ્યા હતા અને અંતે દિલ્હી પોલીસે સુપ્રીમ કોર્ટના નિર્દેશ પર એફઆઈઆર નોંધી હતી. બ્રિજ ભૂષણની ધરપકડની માંગને લઈને 23 એપ્રિલથી લગભગ દોઢ મહિના સુધી જંતર-મંતર પર પ્રદર્શન કર્યો હતો. ઘણા કુસ્તીબાજએ હરિદ્વારમાં ગંગા નદીમાં તેમના મેડલ તરતા મૂકવાની જાહેરાત કરી હતી પણ ખેડૂત નેતા નરેશ ટિકૈતની દરમિયાનગીરી બાદ એ કામ કર્યું નહતું. 

હાલ બજરંગ પુનિયા, સાક્ષી મલિક અને વિનેશ ફોગાટ રેલ્વેમાં તેમની નોકરી પર પાછા ફર્યા છે. જો કે, તેણે સ્પષ્ટતા કરી છે કે ન્યાય માટે તેમનું અભિયાન ચાલુ રહેશે. કુસ્તીબાજોએ તો ત્યાં સુધી કહ્યું છે કે તેમને નોકરી છોડવામાં 10 સેકન્ડ પણ નહીં લાગે.