અમેરિકી પ્રેસિડન્ટ ચૂંટણી / ડેમોક્રેટ પાર્ટી તરફથી આ ઉમેદવાર હશે વાઈસ પ્રેસિડન્ટના ઉમેદવાર, કમલા હેરિસનું એલાન

અમેરિકાની રાષ્ટ્રપતિની ચૂંટણીમાં ડેમોક્રેટિક પાર્ટીના પ્રમુખપદના ઉમેદવાર કમલા હેરિસે મંગળવારે ટિમ વોલ્ઝને તેમના ઉપરાષ્ટ્રપતિ પદના ઉમેદવાર તરીકે પસંદ કર્યા છે. ટિમ વોલ્ઝ મિનેસોટાના ગવર્નર છે. વોલ્ઝ હવે ચૂંટણી પ્રચારમાં કમલા હેરિસ સાથે જોવા મળશે.

કમલા હેરિસ પ્રેસિડન્ટના ઉમેદવાર

અમેરિકાની શાસક ડેમોક્રેટિક પાર્ટીએ વાઇસ પ્રેસિડેન્ટ કમલા હેરિસને પ્રેસિડન્ટના ઉમેદવાર જાહેર કર્યાં છે. 5 નવેમ્બરે અમેરિકામાં પ્રેસિડન્ટની ચૂંટણી થવાની છે. કમલા હેરિસે રાષ્ટ્રપતિ પદ માટે પાર્ટીના ઉમેદવાર બનવા માટે પૂરતા ડેમોક્રેટિક ડેલિગેટ વોટ મેળવ્યા હતા, ત્યારબાદ સત્તાધારી ડેમોક્રેટિક પાર્ટીએ હેરિસને રાષ્ટ્રપતિની ચૂંટણી માટે તેના ઉમેદવાર તરીકે જાહેર કર્યા હતા.

બાયડન રેસમાંથી ખસતાં કમલાનો નંબર

કમલા હેરિસ ભારતીય-આફ્રિકન મૂળની પ્રથમ મહિલા છે જેમને રાષ્ટ્રપતિ પદ માટે નામાંકિત કરાયાં છે. ઉલ્લેખનીય છે કે અમેરિકાના પ્રેસિડન્ટ જો બાયડને 20 જુલાઈના દિવસે પ્રેસિડન્ટની ચૂંટણીમાંથી ખસી જવાનું એલાન કર્યું હતું જે પછી કમલા હેરિસનો વારો આવ્યો હતો.

ટિમ વોલ્ઝ મિનેસોટાના ગવર્નર

ટિમ વોલ્ઝ હાલમાં મિનેસોટાના ગવર્નર તરીકે સેવાઓ આપી રહ્યાં છે. તેમણે વિવિધ પરોપકારી પહેલોને પ્રોત્સાહન આપ્યું છે, જેમાં મફત શાળા ભોજન, આબોહવા પરિવર્તન સામે લડવાના લક્ષ્યો, મધ્યમ વર્ગ માટે કરમાં ઘટાડો, મિનેસોટાના કામદારો માટે વિસ્તૃત રજા અને વધુ મુદ્દાઓનો સમાવેશ થાય છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ