માર્ગ પરિવહન તેમજ રાજમાર્ગ મંત્રાલયે બાળકોની સુરક્ષાને લઇને કેટલાક નિયમો કર્યા જાહેર, આગામી 15 ફેબ્રુઆરી,2023એ થશે અમલ
બાઇક-સ્કૂટર પર બાળકોને લઇ જવા અંગે નિયમ
MoRTHએ નવા નિયમો કર્યા જાહેર
નિયમોનું ઉલ્લંઘન કરનારને થશે દંડ
એક બાઇક પર 5 જણા, એક બાઇક પર 4 જણા, આપણે બાઇક અને સ્કૂટર પર આખુ ફેમિલી જતા જોઇએ છીએ . એક બાળક આગળ બેઠુ હોય કે પછી સ્કૂટર હોય બાળક આગળ ઉભુ હોય. ફોર વ્હિલર ન હોય તો આપણે ટુ વ્હિલર પર જ બાળકોને સાથે લઇને નીકળીએ છીએ. ઘણીવાર આ દ્રશ્યો આપણને જોખમી લાગે. ત્યારે આ બાબતે માર્ગ પરિવહન તેમજ રાજમાર્ગ મંત્રાલયે બાળકોની સુરક્ષાને લઇને નિયમોમાં બદલાવ કર્યો છે. કેન્દ્રની મોદી સરકારે બાળકોને બાઇક પર બેસાડવા માટેના સુરક્ષિત નિયમો બનાવ્યા છે. જો તમે આ નિયમોનું ઉલ્લંઘન કરશો તો મોટો દંડ ભરવો પડશે.
રાજ્ય સરકાર નક્કી કરશે દંડની રકમ
માર્ગ પરિવહન તેમજ રાજમાર્ગ મંત્રાલયના જણાવ્યાનુસાર 15 ફેબ્રુઆરી 2022એ આ અંગે અધિસૂચના જાહેર કરવામાં આવી છે. આ નિયમ 15 ફેબ્રુઆરી 2023થી લાગુ પડશે. જો કે હાલ આ મામલે કોઇ દંડની રકમ નક્કી કરવામાં આવી નથી. અધિસૂચનામાં જણાવવામાં આવ્યુ છે આ નિયમ માટે દંડની રકમ ખુદ રાજ્ય સરકાર નક્કી કરશે.
શું છે નિયમ
4 વર્ષના બાળકને બાઇક પર પાછળ બેસાડીને લઇ જતી વખતે બાઇક, સ્કૂટર જેવા દ્વિચક્રી વાહનોની સ્પીડ લિમિટ 40કિમી પ્રતિ કલાકથી વધારે ન હોવી જોઇએ.
દ્વિચક્રી વાહન ચલાવનારની પાછળ બેસનાર 9 મહિનાથી 4 વર્ષના બાળકોને ક્રેશ હેલ્મેટ પહેરાવવુ જરુરી છે.
મોટર સાયકલ ચાલક એ નક્કી કરશે કે 4 વર્ષથી ઓછી ઉંમરનુ બાળકને પોતાની બાઇક કે સ્કૂટર સાથે બાંધી રાખવા માટે સેફ્ટી હાર્નેસનો વપરાશ કરે છે.