જાહેર હિત / ખાનગી ટીવી ચેનલો માટે કેન્દ્રની એડવાઈઝરી, દરરોજ 30 મિનિટ આવા કાર્યક્રમ દેખાડવાનું કર્યું અનિવાર્ય

• તમામ ખાનગી ચેનલો માટે સરકારી જારી કરી એડવાઈઝરી
• દરરોજ 15 મિનિટ એક જાહેર હિતનો કાર્યક્રમ દેખાડવો પડશે 
• સરકારે કાર્યક્રમો માટે મુદ્દાઓ પણ આપ્યાં 

તમામ ખાનગી ચેનલોએ હવે દરરોજ અડધો કલાક એક જાહેર હિતના કાર્યક્રમ ફરજિયાત દેખાડવો પડશે. કેન્દ્રના માહિતી અને પ્રસારણ મંત્રાલય દેશમાં ટેલિવિઝન ચેનલોને અપલિંકિંગ અને ડાઉનલિંકિંગ માટે માર્ગદર્શિકા, 2022" જારી કરી છે. આ માર્ગદર્શિકામાં અન્ય બાબતોની સાથે સાથે ખાનગી બ્રોડકાસ્ટર્સને દરરોજ 30 મિનિટ માટે જાહેર સેવાનો કાર્યક્રમ પ્રદર્શિત કરવો પડશે. આ સંબંધમાં મંત્રાલયે ખાનગી સેટેલાઇટ ટીવી ચેનલ બ્રોડકાસ્ટર્સ અને તેમના એસોસિએશનો સાથે વિસ્તૃત ચર્ચાવિચારણા હાથ ધરી હતી અને તેમનાં ઈનપુટનાં આધારે 30.01.2023નાં રોજ "એડવાઇઝરી" બહાર પાડી છે. 

30 મિનિટનો જાહેર હિતનો કાર્યક્રમ કરવો પડશે ટેલિકાસ્ટ 
આઈબી મંત્રાલયે સ્પષ્ટતા કરી છે કે ટેલિકાસ્ટ કરવામાં આવતા કાર્યક્રમોમાં સમાવિષ્ટ સંબંધિત સામગ્રીને જાહેર સેવા પ્રસારણ માટે ગણી શકાય છે. કન્ટેન્ટ એકસાથે 30 મિનિટની હોવી જરૂરી નથી અને તે નાના સમયના સ્લોટમાં રજૂ કરી શકાય છે અને બ્રોડકાસ્ટરને બ્રોડકાસ્ટ સેવા પોર્ટલ પર ઓનલાઇન માસિક અહેવાલ સબમિટ કરવાની જરૂર છે. 

Ministry of Information & Broadcasting issues advisory on Obligation of Public Service Broadcasting. The Guidelines, among other things, require private broadcasters to undertake public service broadcasting for 30 minutes every day. pic.twitter.com/7c9N7sb36Q

— ANI (@ANI) January 30, 2023

કયા કયા વિષેય પર કાર્યક્રમ દેખાવડો પડશે 
પ્રસારણ માટેની થીમમાં રાષ્ટ્રીય મહત્વની અને સામાજિક સુસંગતતાની સામગ્રીનો સમાવેશ થવો જોઈએ, જેમાં નીચેની બાબતોનો સમાવેશ થાય છે. 

• શિક્ષણ અને સાક્ષરતાનો ફેલાવો
• કૃષિ અને ગ્રામીણ વિકાસ
• આરોગ્ય અને પરિવાર કલ્યાણ;
• વિજ્ઞાન અને ટેકનોલોજી
• મહિલાઓનું કલ્યાણ
• સમાજના નબળા વર્ગોનું કલ્યાણ
• પર્યાવરણ અને સાંસ્કૃતિક વારસાનું સંરક્ષણ
• રાષ્ટ્રીય એકતા