ગાંધીનગર / રાજ્ય સરકારના આ 2 મંત્રીઓ હવે કમલમ પર બેસીને સાંભળશે કાર્યકરોના પ્રશ્નો

• પ્રદેશ ભાજપ પ્રમુખ CR પાટીલના આદેશનો ચૂસ્ત અમલ
• સોમવારથી કમલમ ખાતે બેસશે સરકારના મંત્રીઓ

ઉલ્લેખનીય છે કે, કમલમ ખાતે સોમવારે કેબિનેટ પ્રધાન કૌશિક પટેલ અને મંગળવારે જયદ્રથસિંહ પરમાર બેસશે. આ બંન્ને મંત્રી કમલમ્ ખાતે તમામ પ્રશ્નોનું ફાઈલિંગ કરશે અને નિરાકરણ માટે સંબધિત વિભાગમાં પ્રશ્નોને મોકલાશે. 

મંત્રીઓ બપોરે 12 થી 5 કાર્યકરોના પ્રશ્નો સાંભળશે 

આપને જણાવી દઇએ કે, પોતાના સૌરાષ્ટ્રના ચાર દિવસના પ્રવાસ દરમિયાન ગઇકાલે જૂનાગઢમાં પક્ષના કાર્યકરોને સંબોધતા તેમણે આ પ્રમાણે જણાવ્યું હતું. 
સી.આર પાટિલે કહ્યું કે સરકારના મંત્રીઓ બપોરે 12 થી 5 કાર્યકરોના સરકારને લગતા પ્રશ્નો સાંભળશે. 

સૂચવાયેલા કામો અંગે લેખિતમાં આપશે જવાબ 

પાટિલે જણાવ્યું હતું કે કાર્યકરો દ્વારા સૂચવાયેલા કામો થશે કે નહીં તેનો જવાબ મંત્રીઓ એ લેખિતમાં આપવો પડશે. એ જવાબની બીજી નકલ પક્ષના કાર્યાલય કમલમ ખાતે મોકલાશે જ્યાં પક્ષ દ્વારા તેની સમીક્ષા કરવામાં આવશે.