સંક્રમિત / એક બાદ એક ગુજરાત સરકારના મંત્રીઓ કોરોનાની ઝપટમાં, આજે વધુ એક મંત્રી થયા કોવિડ પોઝિટિવ

• રાજ્યકક્ષાના મંત્રી નિમિષા સુથાર કોરોના પોઝિટીવ 
• નિમિષા સુથાર હાલ હોમ આઈસોલેશનમાં છે  
• પોતાના સંપર્કમાં આવેલા તમામને કોરોના ટેસ્ટ માટે અપીલ

મારો RT-PCR ટેસ્ટ નો રિપોર્ટ પોઝિટિવ આવેલ છે. ડૉક્ટરોની સલાહ મુજબ હું સેલ્ફ કોરંટાઈન થઇ છું, તબિયત સારી છે.

આથી છેલ્લા થોડા દિવસોમાં મારા સંપર્કમાં આવેલ તમામ મિત્રો/સ્નેહીજનો ને સાવચેતીના ભાગરૂપે જરૂરી તકેદારી રાખવા અને લક્ષણો જણાતા કોવિડ ટેસ્ટ કરાવવા અનુરોધ કરું છું.

— Nimishaben Suthar (@Nimishaben_BJP) January 25, 2022

રાજ્યકક્ષાના મંત્રી નિમિષા સુથારે ટ્વીટ કરી જાણકારી આપી

રાજ્યમાં વધુ એક મંત્રી કોરોનાગ્રસ્ત થયા છે. ગુજરાત સરકારના રાજ્ય કક્ષાના મંત્રી નિમિષા સુથારને કોરોના લક્ષણો દેખાતા તેમણે રિપોર્ટ કરાવ્યો હતો જે પોઝિટિવ આવતા તે આઈસોલેટ થયા છે. તેમજ સંપર્કમાં આવેલા તમામને ટેસ્ટ કરાવવા મંત્રીએ કરી અપીલ કરી છે. આ પહેલા સરકારના કૃષિમંત્રી રાઘવજી પટેલ, ગૃહ રાજ્યમંત્રી હર્ષ સંઘવી તેમજ મહેસૂલ મંત્રી રાજેન્દ્ર ત્રિવેદી પણ કોરોના ઝપેટામાં આવી ગયા હતા. 

આટલા નેતાઓ કોરોના સંક્રમિત થઈ ચૂક્યા છે

અક્ષય પટેલ, ધારાસભ્ય, કરજણ
અનિલ જોશીયારા, ધારાસભ્ય, ભીલોડા
કુંવરજી બાવળીયા, ધારાસભ્ય, જસદણ
પરસોત્તમ સાબરિયા, ધારાસભ્ય, ધ્રાંગધ્રા
યોગેશ પટેલ, ધારાસભ્ય, માંજલપુર
પ્રતાપ દૂધાત, ધારાસભ્ય, સાવરકુંડલા
શૈલેષ સોટ્ટા, ધારાસભ્ય, ડભોઈ
પિયુષ પટેલ, ધારાસભ્ય, નવસારી
ઝંખના પટેલ, ધારાસભ્ય, ચોર્યાસી
જીતુ ચૌધરી, મંત્રી
કૃષિમંત્રી રાઘવજી પટેલ
ગૃહ રાજ્યમંત્રી હર્ષ સંઘવી
મહેસૂલ મંત્રી રાજેન્દ્ર ત્રિવેદી 
 
ગુજરાતમાં મંગળવારે 16608  કેસ નોંધાયા હતા

ગુજરાતમાં કોરોના કેસ કુદકેને ભૂસકે સતત વધી રહ્યા છે. છેલ્લા 24 કલાકમાં 16608  કેસ કોરોના કેસ સામે આવતા જાણે કોરોના કેસોનું કીડિયારું ઉભરાયું હોય તેવી સ્થિતિ પેદા થઈ ચૂકી છે. તો  કોરોનાને લીધે 28 લોકોના મોત થયા છે.