ગાંધીનગર / એક્શન મોડમાં ગૃહ રાજ્યમંત્રી હર્ષ સંઘવી, ઓચિંતા કર્યુ એવું અધિકારીઓમાં દોડધામ મચી

• હર્ષ સંઘવીએ ગૃહ વિભાગની લીધી મુલાકાત
• ગૃહરાજ્યમંત્રીએ રવિવારે કામગીરીની કરી સમીક્ષા
• ગૃહરાજ્યમંત્રીની ઓચિંતી મુલાકાત લઇને ચોંકાવી દીધા

ભાજપના સૌથી યુવા ગૃહ રાજ્યમંત્રી બનેલા હર્ષ સંઘવીએ કાર્યભાર સંભાળતા જ હરકતમાં આવ્યા છે.રવિવારે ઓચિંતી ગૃહ વિભાગની મુલાકાત લેતા અધિકારીઓ પણ ચોંકી ગયા હતા આમ ગૃહરાજ્યમંત્રી એક્શન મોડમાં આવતા જ અધિકારીઓમાં દોડધામ મચી ગઈ હતી

રવિવારના દિવસે પણ ગૃહ વિભાગની કામગીરી નિહાળવા પહોંચેલા ગૃહ રાજ્યમંત્રી હર્ષ સંઘવીની મુલાકાતે સમયે ગૃહ વિભાગના અધિક મુખ્ય સચિવ રાજીવ કુમાર ગુપ્તા, રાજ્યના પોલીસ વડા આશિષ ભાટિયા પણ હાજર રહ્યા હતા.

ગૃહ રાજ્યમંત્રીની ઓચિંતી મુલાકાત લઇને ચોંકાવી દીધા

મહત્વનું છે કે હર્ષ સંઘવી ગૃહ રાજ્યમંત્રીની ખુરશીનો હલાલો સંભાળતા જ અધિકારીઓને સ્પષ્ટ સંકેત આપી દીધા છે કે કોઈ પણ અધિકારીઓએ પોતાનો પરિચય આપવા આવી સમયનો ખોટો બગાડ કરવો નહીં, તે પોતે જ અધિકારીઓને મુલાકાતે લેશે આમ આડકતરી રીતે પોતાની જવાબદારીઓને લઈને અધિકારીઓને સ્પષ્ટ સંકેત પણ આપી દીધા છે. 

ભાજપના સૌથી નાની વયના ગૃહ રાજ્યમંત્રી

એટલું જ નહીં તેમણે પદભાર સંભાળતા જ કહ્યું હતું કે ગુજરાતભરના લોકોને વિનંતી કરું છે કે આ કોઈ હોદ્દો નથી કે સેલિબ્રેશનનો મોડ નથી. આ એક જવાબદારી છે અને એ સારી રીતે નિભાવવા માટે મેં સૌને અપીલ કરી છે કે કોઈપણ પ્રકારના બુકે કે ભેટ સાથે તમારે અહીં લાવવાને બદલે ટેક્નોલોજિકલ માધ્યમથી શુભેચ્છાઓ આપી શકો છો આમ ગૃહ રાજ્યમંત્રીએ ખુસામત ખોરોને પણ એક સંદેશ આપી દીધો છે. ઉલ્લેખનિય છે કે તેમણે ગૃહ રાજ્યમંત્રીનો ચાર્જ સંભાળતા જ રાજ્યના પૂર્વ ગૃહરાજ્ય મંત્રી પ્રદીપસિંહના આશીર્વાદ પણ લીધા હતા અને તેમની સાથે સવા કલાકથી પણ વધુ સમય બેઠક યોજી પદભાર વિશે કઈ રીતે કામ કરવું એ વિશે માર્ગદર્શન મેળવ્યું હતું.

એક્શન મોડમાં ગૃહરાજ્યમંત્રી હર્ષ સંઘવી

ગુજરાતના ગૃહરાજ્યમંત્રી તરીકે સુરતના મજૂરા વિધાનસભાના ધારાસભ્ય હર્ષ સંઘવી વર્તમાન સરકારમાં સૌથી નાની વયના મંત્રી બન્યા છે સાથે સાથે તેમણે ગુજરાત ભાજપના ઈતિહાસમાં પણ સૌથી નાની વયના ગૃહ રાજ્યમંત્રી બન્યા છે અગાઉ વર્ષ 2002માં અમિત શાહે સૌથી નાની 37 વર્ષની વયે આ પદ મેળવ્યું હતું. જ્યારે હર્ષે સંઘવીએ  ગુજરાત ભાજપમાં 36 વર્ષની વયે આ પદ હાંસલ એક અલગ રેકોર્ડ બનાવ્યો છે. હર્ષ રમેશકુમાર સંઘવીના પિતા પણ વેપાર સાથે સંકળાયેલા છે છેલ્લી બે વિધાનસભાની ચૂંટણીઓમાં જંગી બહુમતીથી જીતીને સૌથી નાની વયે 36 વર્ષની ઉંમરે ગૃહ રાજ્યમંત્રી બન્યા છે.