કચ્છ / પશ્ચિમ-ક્ચ્છમાં  છેવાડાના લોકોને મદદરૂપ થવા ગૃહ રાજયમંત્રીના  હસ્તે 'ઇ-મુલાકાત' એપનું લોન્ચિંગ

• ગૃહ રાજયમંત્રી બે દિવસની કચ્છની મુલાકાતે 
• પ્રદીપસિંહ જાડેજાના હસ્તે 'ઇ-મુલાકાત' એપ લોન્ચિંગ
•  "ઇ-મુલાકાત" એપનું લોન્ચિંગ થયું

સરકારને પાંચ વર્ષ પૂર્ણ થતાં વિવિધ વિકાસ કામોની ઉજવણી કરવામાં આવી રહી છે ત્યારે ઉજવણીના ભાગ રૂપે વિવિધ કાર્યક્રમોમાં ભાગ લેવા રાજ્યના ગૃહરાજ્યમંત્રી પ્રદિપસિંહ જાડેજાએ બે દિવસ કચ્છની મુલાકાતે છે.

ગૃહ રાજયમંત્રી બે દિવસની કચ્છની મુલાકાતે 

કચ્છ આવેલા પ્રદિપસિંહ જાડેજાએ કચ્છમાં એસપી કચેરી ખાતે ક્રાઇમ કોનફ્રન્સ યોજી હતી જેમાં કાયદો અને વ્યવસ્થા જાળવવા મુદ્દે વિસ્તૃત ચર્ચા કરવામાં આવી હતી જેમાં પોલીસવડા સહિતના અધિકારીઓ સાથે બેઠક યોજી વિવિધ મુદ્દાઓની સમીક્ષા કરવામાં આવી હતી.કચ્છમાં રાજ્યની PGVCL વિભાગની સૂર્યોદય યોજનાનો મુખ્યમંત્રી રૂપાણીના હસ્તે પ્રારંભ થવાનો છે. તેને લઈ ભૂજ કલેકટર ઓફીસ ખાતે મહત્વપૂર્ણ બેઠક યોજાઈ હતી.  

ભુજ કલેકટર ઓફીસ ખાતે મહત્વપૂર્ણ બેઠક 

મહત્વનું છે કે સરહદી જિલ્લામાં બોર્ડર ક્રાઈમ, બાયો ડીઝલ, ખનિજચોરી તેમજ વિન્ડફાર્મ કંપનીઓ દ્વારા કરવામાં આવતી જોહુકમી સામે પ્રજાને મદદરૂપ થવા ગૃહ રાજ્યમંત્રીએ પોલીસ વિભાગને સૂચનાઓ આપી છે. એટલું જ નહીં પશ્ચિમ-ક્ચ્છ જિલ્લા પોલીસ દ્વારા છેવાડાના લોકોને મદદરૂપ થવા ગૃહ રાજયમંત્રી પ્રદીપસિંહ જાડેજાના હસ્તે  'ઇ-મુલાકાત' એપનું લોન્ચિંગ કરવામાં આવ્યુ છે.

ભુજ ખાતે લાભાર્થીઓને સહાયનું વિતરણ 

સરકારના પાંચ વર્ષ પૂર્ણ થતાં મુક્તજીવન મહિલા કોલેજ, ભુજ ખાતે "જ્ઞાન શક્તિ દિન"ની ઉજવણી કરીને ઉપસ્થિત સૌને શુભકામનાઓ પાઠવી શિક્ષણ વિભાગની વિવિધ યોજનાઓના લાભાર્થીઓને યોજના અંતર્ગત MYSY યોજનાના લાભાર્થીઓ, શોધ યોજનાના લાભાર્થીઓ અને નમો ઈ-ટેબલેટના લાભાર્થીઓને સહાયનું વિતરણ કરવામાં આવ્યું.