કુંવરજી હળપતિ આવ્યા યુવતીની વ્હારે; માતા-પિતા વિનાની વિદ્યાર્થીની બસમાંથી પટકાતા પહોંચી ગંભીર ઈજા, સારવાર ખર્ચમાં આર્થિક સહાયની આપી ખાતરી
મંત્રી કુંવરજી હળપતિ આવ્યા યુવતીની વ્હારે
માતા-પિતા વિનાની યુવતીને કરી મદદ
સારવાર ખર્ચમાં આર્થિક સહાયની આપી ખાતરી
તાપીના વ્યારા નજીક હાઈવે પર ચાલતી બસમાંથી વિદ્યાર્થીની પટાકાઈ હતી અને જેને સારવાર માટે ખાનગી હોસ્પિટલ ખસેડવામાં આવી છે. પાપ્ત માહિતી અનુસાર જે વિદ્યાર્થી હાલત ગંભીર છે તેમજ તે વિદ્યાર્થીની માતા-પિતાનો પણ અકસ્માતના કારણે અવસાન થયેલું છે તેમજ ફક્ત તેમના દાદાના સહારે છે અને જે અતિ ગરીબ ઘરની છે જેને લઈ નવનિયુક્ત મંત્રી કુંવરજી હળપતિ આદિવાસી યુવતીની વ્હારે આવ્યા છે.
મંત્રી કુંવરજી હળપતિ આદિવાસી યુવતીની વ્હારે
નવનિયુક્ત મંત્રી કુંવરજી હળપતિ આદિવાસી યુવતીની વ્હારે આવ્યા છે. માતા પિતા વિનાની આદિવાસી યુવતીની મદદે નવનિયુક્ત મંત્રી કુંવરજી હળપતિ આવ્યા છે. વિધાર્થી કોલેજમાં અભ્યાસ માટે જતી હતી તે દરમિયાન બસમાંથી પટકાતા અકસ્માત સર્જાયો છે. બસમાંથી પડી જતાં માથાના ભાગે ગંભીર ઇજા પહોંચી છે. સારવારનો મોટો ખર્ચ આવી પડતાં દાદા તથા સગા સંબંધીઓ ચિંતિત થયા હતાં. સારવાર લઈ રહેલી યુવતીને આર્થિક સહાય આપવાની ખાતરી આપી છે.
મંત્રી કુંવરજી હળપતિનું નિવેદન
નવનિયુક્ત મંત્રી કુંવરજી હળપતિએ જણાવ્યું હતું કે, વિદ્યાર્થીને ગભીર ઇજા થઈ હોવાની વાત સોશિયલ મીડિયાના માધ્યમથી મારા સુધી પહોંચી હતી. તેમણે કહ્યું જાણ થતાંની સાથે જ મેં ખૂબ જ ગંભીરતાથી આ બાબત લીધી છે અને જ્યારે તેમના પરિવારનો સંપર્ક કર્યો ત્યારે મને જાણ થઈ કે આર્થિક રીતે તેઓ ખૂબ જ ગરીબ છે અને દીકરીની સારવારનો ખર્ચ ભોગવી શકે તેમ નથી. તેમણે કહ્યું મારી હોસ્પિટના ડોક્ટરો સાથે વાત થઈ છે મેં અમને જણાવ્યું કે, સારવાર માટે કોઈપણ પ્રકારની આર્થિક ખર્ચની ચિંતા કરવી નહીં અને તેને યોગ્ય સારવાર આપવી તેમજ રૂપિયા એક લાખ તાત્કાલિક હોસ્પિટલમાં ડોક્ટરને પહોંચાડી દેવામાં આવ્યા.