ઉજવણી / VIDEO : નવા વર્ષે વલસાડમાં આદિવાસીઓ સાથે મન મૂકીને નાચ્યાં મંત્રી જીતુ ચોધરી, જોઈને દિલ ખુશ થઈ જશે

• વલસાડમાં નવા વર્ષની ઉજવણી
• આદિવાસી વિસ્તારમાં ઘોર નૃત્ય
• મંત્રી જીતુ ચૌધરીએ પણ કર્યું નૃત્ય

વલસાડ જિલ્લાના કપરાડા અને ધરમપુરના અંતરિયાળ ગામમાં નવા વર્ષની પરંપરાગત ઉજવણી કરવામાં આવી હતી. જેમાં આદિવાસી સમાજના લોકોએ જૂની પરંપરા સાથે ઘોર નૃત્ય રમી ઉજવણી કરી હતી. આ દરમિયાન ઘોરૈયાઑ કપરાડાના ધારાસભ્ય અને પાણી પુરવઠા મંત્રી જીતુ ચૌધરીના ઘરે પહોંચ્યા હતા. તે વેળાએ જીતુ ચૌધરીએ પણ ઘોર નૃત્ય કરી તેમના ઉત્સાહને વધાર્યો હતો. જેમાં વલસાડમાં આદિવાસીઓ સાથે મંત્રી જીતુ ચોધરી પણ મન મૂકીને નાચ્યાં હતા. જે અંગેનો વીડિયો પણ વાયરલ થયો છે.   

મહાભારતના સમયથી રમાતું ઘોર નૃત્ય
દક્ષિણ ગુજરાતના આદિવાસી સમાજની કેટલીક પરંપરાઓ આજે પણ અંતરિયાળ ગામડાઓ જોવા મળે છે. ખેતી પર નભતા ખેડૂતો ખેતરમાં પાકની કાપણી  બાદ ઘોર નૃત્ય કરી માતાજીના આશીર્વાદ મેળવે છે. દક્ષિણ ગુજરાત સહીત વલસાડ જિલ્લામાં આજે પણ આદિવાસી સમાજના લોકો દિવાળી અને નવા વર્ષના પાવન  અવશરે ઘોર રમે છે. ગામના ધનાઢ્ય લોકો તેમને ઘોર રમવા આમંત્રણ આપે છે. મહાભારતના સમયથી રમાતી ઘોર આજે પણ વલસાડના ગ્રામીણ વિસ્તારોમાં લોકોની આસ્થાનું પ્રતીક છે.

આસ્થા સાથે માતાજીની સ્તુતિ ગવાઈ છે.
જેમાં અનોખા પોશાક પહેરીને માતાજીની સ્તુતિ ગાઈ નૃત્ય કરે છે. જેને ઘેરૈયા નૃત્ય પણ કહેવાય છે. દક્ષિણ ગુજરાતમાં વસતા આદિવાસી અને કોળી પટેલ સમાજના લોકો ખેતરમાં પાકની કાપણી કર્યા બાદ નવું ધાન્ય  માતાજીને અર્પણ કરે છે.અને માતાજી ને આજીજી કરે છે કે અમારા અનાજના ભંડાર અખૂટ રાખજો. જોકે ઘેરૈયા નૃત્યને દેશી ભાષામાં ઘોર કહેવાય છે. સ્તુતિ ગાનાર વડીલ હાથમાં રંગબેરંગી છત્રી રાખી ઘોરીયા એક કુંડાળું કરે છે અને ખુબ જ આસ્થા સાથે માતાજીની સ્તુતિ ગાય છે.