રમત / ભારતના અનેક રાજ્યોમાં છે ફૂટબોલનું આકર્ષણ છતાં આ કારણે ન થઇ શક્યો વિકાસ

• એક સમયે હતી ગરીબગુરબાઓની રમત
• આ જે એ રમતથી ઓળખાય છે દેશ
• ભારતમાં પણ વસે છે મિની બ્રાઝિલ

પેલે, રોમોરિયોથી લઈને રોનાલ્ડો અને હવે નેમાર જેવા બ્રઝિલિયન ખેલાડીઓએ ભારતીય ફૂટબોલપ્રેમીના દિલમાં ઓમાં પોતાનું ખાસ  સ્થાન બનાવી લીધું છે..આમતો યુરોપના ઈટલી, ફ્રાંસ અને જર્મન જેવા અનેક દેશો ફૂટબોલ રમે છે પરંતુ યૂરોપની પાવર ફૂટબોલની સરખાણીમાં બ્રાઝિલની કલાત્મક સ્ટાઈલથી ખેલાતી ફૂટબોલ ભારતીયોને ઘણી પસંદ છે.

ભારતે પણ ફૂટબોલમાં પણ પોતાનો પરિચય વિશ્વને કરાવી ચૂક્યું છે

આપને જણાવી દઈએ કે, એક સમયે ભારતે પણ ફૂટબોલમાં પોતાની ક્ષમતનો વિશ્વને પરિચય કરાવી ચૂક્યું છે. પરંતુ તે સમયના વૈશ્વિક રાજકારણ, રમત વિશેના કેટલાક નિયમો અને તત્કાલિન ભારતમાં ભારતીય રમતસંઘની આર્થિક સ્થિતિના કારણે ભારતીયોમાં ફૂટબોલની રમતને પિછેહઠ કરવી પડી હતી.

ભારત `ફૂટબોલનુ બ્રાઝિલ' તરીકે ઓળખાયું

જો કે તે પછી વિશ્વ અને ભારત ઘણાં બદલાઈ ગયાં છે. હવે ભારત વિશ્વની આર્થિક તાકાત બની ગયું છે. ફિફા અંડર -17 વર્લ્ડકપ ચેમ્પિયનશીપબાદ ભારતમા ફૂટબોલ તરફનું આકર્ષણ ફરીવાર શરૂ થઈ ગયું છે. આપણા ફૂટબોલ ખેલાડીઓ પણ ફૂટબોટમાં પોતાની  ક્ષમતાનો પરિચય આપવા અધીરા બન્યા છે...આપને જણાવી દઈએ કે ભારતે 1962માં જાકાર્તા એશિયાઈ રમતોમાં ફૂટબોલનો ગોલ્ડ મેડલ પણ જીત્યો હતો. તે પછી ભારત `ફૂટબોલનુ બ્રાઝિલ' તરીકે પણ ઓળખાતું થયું હતું... 

ક્રિકેટપ્રેમીઓની સંખ્યા કરતાં ફૂટબોલપ્રેમીઓની સંખ્યા અનેક ગણી

એ વાત જુદી છે કે, ભારતમાં આજે ક્રિકેટ જનૂન અને ધર્મનો ચહેરો બની ગયું છે. પરંતુ હકીકત એ છે કે, આપણા દેશમાં ક્રિકેટપ્રેમીઓની સંખ્યા કરતાં ફૂટબોલપ્રેમીઓની સંખ્યા અનેક ગણી છે..પરંતુ આજે  ફૂટબોલની રમત ગ્રામીણ વાતાવણમાં રહેવાના કારણે તે મીડિયાની નજર ઝટ ચડતી નથી.

સાચે જ ફૂટબોલની રમત ભારત અને બ્રાઝિલને અદભૂત રીતે જોડી રહી છે. ભારતના નવયુવાનોમાં ફૂટબોલ પ્રત્યેનો વિકસતો જતો શોખ અને જનૂન આવનારા દિવસોમાં ભારતને ફૂટબોલ ફૂટબોલમાં નવી વૈશ્વિક ઊંચાઈએ લઈ જાય તો નવાઈ નહીં.