કાંઇક કરી છૂટવાની ભાવના હોય તો મુશ્કેલીઓનો ઉકેલ આવે છે. મીનલ દાખવે ભોંસલે પણ આ વાતને સાર્થક કરી બતાવી છે. તેમણે કોરોના વાયરસની તપાસ માટે એવી કીટ તૈયાર કરી કે જે વિદેશી કીટના મુકાબલે ખૂબ જ સસ્તી છે. જો કે, ગર્વની વાત એ છે કે, તેણીએ આ કીટ માટે પોતાની પ્રેગન્સીના અંતિમ સમયગાળામાં કામ કર્યું. આ ટેસ્ટ કીટ કોરના વિરૂદ્ધની લડાઇમાં મોટી ભૂમિકા ભજવી શકે છે.
સલામ છે આ ભારતીય નારીને
તૈયાર કરી કોરોના તપાસની કીટ
પોતે પ્રેગનન્સીના અંતિમ મહિનામાં હતી છતાં દેશ સેવાને આપ્યું પ્રાધાન્ય
વાઇરોલોજિસ્ટ મીનલે પુણે સ્થિત ડાયગ્નોસ્ટિક ફર્મ માઇલેબ ડિસ્કવરી સોલ્યુશન્સના પ્રોજેક્ટ પર ફેબ્રુઆરીમાં કામ શરૂ કર્યું. ત્યારે તે પ્રેગનેન્ટ હતી. ગયા અઠવાડિયે જ તેને ત્યાં એક બાળકી જન્મી. તેમણે કહ્યું, 'તે જરૂરી હતું, તેથી મેં તેને પડકાર તરીકે લીધું. મારે મારા દેશની સેવા કરવી છે.
પ્રોજેક્ટ સમાપ્ત થયાનાં બીજા દિવસે મીનલે બાળકીને આપ્યો જન્મ
તેણીએ વધુમાં કહ્યું કે તેની ટીમના તમામ 10 સભ્યોએ સખત મહેનત કરી. પ્રોજેક્ટની સમાપ્તિ પછી, પરીક્ષણ કીટને 18 માર્ચે નેશનલ ઇન્સ્ટિટ્યૂટ ઓફ વિરોલોજી (એનઆઈવી) ને સોંપવામાં આવી હતી અને બીજા દિવસે મીનલે એક પુત્રીને જન્મ આપ્યો.
વિદેશી કીટથી સસ્તામાં મળે છે આ કીટ
દેશની આ પ્રથમ કોરોના વાયરસ ટેસ્ટિંગ કીટ ગુરૂવારે માર્કેટમાં આવી ગઇ છે. ટેસ્ટિંગ કીટથી વાયરસના સંક્રમણને સંદિગ્ધોની તપાસમાં ગતિ આવશે. મીનલે એક અંગ્રેજી અખબાર સાથે વાતચીતમાં જણાવ્યું કે, અમારી કટી અઢી કલાકમાં જ રીઝલ્ટ આપે છે. જ્યારે વિદેશ કીટ 6 થી 7 કલાક લે છે. તમામ માઇલૈબ કીટથી 100 સેમ્પલ ટેસ્ટ કરી શકાય છે અને તપાસનો ખર્ચ 1200 રૂપિયા આવે છે. જ્યારે વિદેશી કીટનો ખર્ચે 4500 રૂપિયા સુધીનો છે.
દરરોજ બની રહી છે 15 હજાર કીટ
માઇલૈબ ડિસ્કવરી સોલ્યુસન્સ દરરોજની 15 હજાર ટેસ્ટિંગ કિટ તૈયારી કરવાની ક્ષમતા ધરાવે છે. પૂણેના લોનાવાલની ફેક્ટરીની ઉત્પાદન ક્ષમતા વધારવાથી દરરોજની 25 હજાર કીટ તૈયાર કરી શકાય છે.