એક તરફ અડધા રાજ્યમાં પાણીનું સંકટ સર્જાયું છે. અને લોકોને પીવાનું પાણી નથી મળી રહ્યુ. ત્યારે મહેસાણાના ગોઝારિયામાં કરોડોનું પાણીનું કૌભાંડ સામે આવ્યું છે. ગ્રામ પંચાયત દ્વારા ગેરકાયદે પાણીનો વેપાર કરવામાં આવી રહ્યો છે. ગ્રામ પંચાયતની જગ્યામાં જ ગેરકાયદે મિનરલ વોટર પ્લાન્ટ ચલાવવામાં આવી રહ્યો છે. આ પ્લાન કૌશલ પટેલ નામનો શખ્સ ચલાવી રહ્યો છે. જે ઈન્ચાર્જ સરપંચ પ્રતિક પટેલનો મિત્ર છે. વર્ષ 2014 થી આ ગામમાં ગ્રામ પંચાયત ની જ જમીન ઉપર મિનરલ વોટર પ્લાન્ટ ચલાવી રહ્યો છે. આ પ્લાન્ટ માટે જગ્યા અને પાણી ગ્રામ પંચાયત નું ઉપયોગમાં લેવાય છે.અને આ પ્લાન્ટમાં મિનરલ કરેલું પાણી બહાર લોકો ને 20 લીટર પાણી 18 રૂપિયાના ભાવે વેચવામાં આવે છે.રોજનું હજારો લીટર પાણી આ પ્લાન્ટ ઉપર થી વેચવામાં આવે છે.આ પ્લાન્ટ વર્ષે દહાડે લાખો રૂપિયા કમાય છે.પણ ગ્રામ પંચાયત ને એક રૂપિયો પણ નથી ચુકવવામાં આવતો.વર્ષ 2014 થી 2017 સુધી તો એક રૂપિયાનો વેરો પણ નથી ચુકવવામાં આવ્યો. વર્ષે દહાડે ગ્રામ પંચાયત ના પાણી થી લાખો રૂપિયાનો વેપાર કરતા આ પ્લાન્ટ ગેરકાયદે હોવાનું વારંવાર તલાટી દ્વારા સરપંચ ને કહેવામાં આવ્યું છે. અને તલાટી એ નોટિસ પણ તૈયાર કરી છે.પણ આ નોટિસમાં ઇન્ચાર્જ સરપંચ સહી કરવા તૈયાર નથી.ત્યારે હવે ગ્રામ પંચાયત ના સભ્ય રમેશ પટેલે આ મામલે જિલ્લા વિકાસ અધિકારી ને લેખિત રજુઆત કરી છે.રમેશ પટેલના મતે આ પ્લાન્ટ થી ગ્રામ પંચાયત ને અત્યાર સુધીમાં 2 કરોડ રૂપિયા નુકશાન થઈ રહ્યું છે. તાલુકા વિકાસ અધિકારી મહેસાણા એ પણ મિનરલ વોટર પ્લાન્ટ ગેરકાયદે હોવાનો આદેશ આપ્યો હતો.આ આદેશ બાદ તલાટી એ મિનરલ વોટર પ્લાન્ટ ને બંધ કરવા નોટિસ તૈયાર કરી હતી.પણ આ નોટિસમાં ઇન્ચાર્જ સરપંચે સહી કરવાનો ઇનકાર કરી દીધો હતો.સરપંચ દ્વારા સહી નહીં કરવામાં આવતા તલાટી નોટિસ ની આજદિન સુધી બજવણી નથી કરી શક્યા..તો બીજી તરફ સરપંચ ની છત્ર છાયામાં ગેરકાયદે મિનરલ વોટર પ્લાન્ટ ચલાવતો કૌશલ પટેલ તેનો પ્લાન્ટ કાયદેસર હોવાનું કહી રહ્યો છે