OMG / 'કરોડપતિ છું પણ પરિવાર સામે કરવી પડે છે ગરીબીની એક્ટિંગ', શખ્સની સોશ્યલ મીડિયા પોસ્ટ પાછળનું કારણ ચોંકાવનારું

• શખ્સ કરી રહ્યો છે ગરીબ હોવાનું નાટક 
• ફેમિલી સામે રહે છે ગરીબીમાં 
• જાણો શું છે તેના પાછળનું કારણ 

ઘણા લોકો પોતાના સંબંધીઓ સામે અમીર ન દેખાવવાનું પસંદ કરે છે કારણ કે તેમને લાગે છે કે ક્યાંક તેમની અમીરીને કોઈની નજર ન લાગી જાય. પરંતુ અમે તમને એક એવી વ્યક્તિ વિશે જણાવવા જઈ રહ્યા છીએ જે પોતાના જ માતા-પિતાની આગળ ગરીબ હોવાનું નાટક કરે છે. 

શખ્સે કથિત રીતે એક સોશિયલ મીડિયા પોસ્ટમાં જાણકારી આપી છે કે તે ખૂબ જ અમીર હોવા છતાં પરિવારની સામે ગરીબીનું નાટક કરે છે. તેનું આમ કરવાનું કારણ ચોંકાવનારૂ છે. 

તેણે રેડિટ પર ટ્રૂ ઓફ માય ચેસ્ટ થ્રેડ પર પોસ્ટ કરતા કહ્યું કે તે પોતાના પરિવારને પોતાની ફાઈનાન્શિયલ કંડીશન વિશે ક્યારેય હકીકત નહીં જણાવવા માંગે કારણ કે તેનો પરિવાર તેનો ફાયદો ઉઠાવશે. તે હંમેશા તેના પાસેથી પૈસા માંગત અને તેના ઘરને ફ્રી વેકેશન સમજીને ગમેત્યારે આવી જાત. 

માતાએ પુછ્યું- કેટલું કમાય છે? 
પોસ્ટમાં તેમણે લખ્યું, "હું એક મલ્ટી મિલીનિયર છું પરંતુ જ્યારે મારો પરિવાર મને મળવા આવે છે તો હું એક સસ્તુ અપાર્ટમેન્ટ રેન્ટ પર લઈ લઉ છું. એવું દર્શાવવા માટે કે હું ત્યાં જ રહું છું." તેણે કહ્યું કે આ બધુ પહેલી વખત ત્યાર શરૂ થયું જ્યારે હું વિદેશમાં અભ્યાસ કરવા ગયો અને કોલેજથી ગ્રેજ્યુએશન કર્યા બાદ નોકરી મળી અને મારી માતાએ પહેલા સવાલ કર્યો કે કેટલા પૈસા કમાઈ રહ્યો છું.

તેણે જ્યારે જવાબ આપ્યો તો તેના માતા પિતાએ માની લીધુ કે તે અમીર છે અને તેમનું વર્તન સંપૂર્ણ રીતે બદલાઈ ગયું. જ્યારે તે જે દેશમાં આ પૈસા કમાઈ રહ્યો છે ત્યાંની કરન્સીના હિસાબથી તે સેલેરી ખૂબ જ ઓછી હતી.  

ફ્રી વેકેશન સમજીને આવી ગયો હતો પરિવાર 
તેણે લખ્યું-  જ્યારે તેને પોતાનો પહેલો પગાર મળ્યો તો તેના માતા-પિતાએ ભાર આપ્યો કે જ્યારે તે તેને મળવા આવે તો તેમના આવવા જવાથી લઈને દરેક વસ્તુઓનો ખર્ચ તે ઉઠાવે.

તેમણે મારી પરવાહ ન કરી તે લોકો બસ એક ફ્રી વેકેશન ઈચ્છતા હતા. અને મને પોતાનો ટૂર ગાઈડ અને એટીએમ સમજવા લાગ્યા હતા. આટલું જ નહીં તે ઘરના બાકી લોકોને પણ મારી પાસે આવીને એન્જોય કરવા માટે કહેતા હતા. 

ઘરના લોકોથી દૂર રહેવા લાગ્યો 
"ત્યાં જ જ્યારે હું ઘરે પરત ફરતો હતો તો તે લોકો મારી પાસે ઘણા બધા ગિફ્ટ્સ લાવવાની આશા રાખતા હતા અને દર વખતે બહાર જવા પર બીલ મારે જ ચુકવવું પડતું હતું. તેમણે મને એવું પણ કહેવાનું શરૂ કરી દીધુ કે હું મારા ભાઈ બહેનના સ્કૂલ, કોલેજ અને ટ્યુશનની ફી આપુ." 

હવે હું સમજી ચુક્યો હતો કે મારા ઘરના લોકો કેટલા સ્વાર્થી છે અને મારે તેમનાથી દૂર રહેવું જોઈએ. એવામાં મેં ધીરે ધીરે ફોન અને મેસેજ કરવાનું બંધ કરી દીધુ અને પોતાના જીવનના વિશે બને તેટલું ઓછુ જણાવતો હતો. હું સમજી ચુક્યો હતો કે આ લોકો મારા લાયક નથી. 

સસ્તા એપાર્ટમેન્ટમાં રહેવા જાય છે શખ્સ  
તેણે આગળ લખ્યું- ત્યાર બાદ જ્યારે કોરોના મહામારી શરૂ થઈ તો મેં બિઝનેસ શરૂ કર્યો જે ખૂબ જ સારો ચાલવા લાગ્યો. પછી મેં નોકરી છોડી દીધી અને પોતાના પરિવારને ખોટુ કહ્યું કે મને એક નોકરી મળી ગઈ છે. પરંતુ સેલેરી થોડી ઓછી છે. 

હવે એ જ્યારે મારી પાસે આવે છે તો પોતાની ફ્લાઈટથી લઈને દરેક ખર્ચ પોતે ઉપાડે છે. આજે મારી પાસે પોતાનું પેન્ટહાઉસ છે પરંતુ હું તેમના આવવા પર પોતાના આસિસ્ટન્ટને કહીને એક નાનું એપાપ્ટમેન્ટ ભાડે લઈ લઉ છું અને પોતાને ગરીબ બતાવવા માટે ત્યાં જ રહું છું.