Video / સોનું-ચાંદી નહીં અમદાવાદમાં રિક્ષામાં આવેલા ચોર દૂધ અને છાશના કેરેટ ચોરી ગયા, CCTVમાં ઘટના થઇ કેદ

• લૉકડાઉનની અસરના કારણે દૂધની ચોરી
• સોના-ચાંદી બાદ હવે દૂધની ચોરી
• આર્થિક સંક્રમણના કારણે હોવી થઈ રહી છે દૂધની ચોરી

સોના ચાંદીની ચોરી અને લૂંટના અનેક બનાવ સામે આવતા હોય છે તે નવી વાત નથી. પણ શહેરના રાણીપ વિસ્તારમાં સોના ચાંદી નહીં પણ દૂધની ચોરી થતા લોકોમાં કુતૂહુલ જાગ્યું છે. અમદાવાદના રાણીપ ગામમાં આવેલ ગણેશ ડેરી ફાર્મમાં સવારે દુકાન પાસે દૂધ અને છાસના કેરેટ ન જણાતા દુકાન માલિકે ડિસ્ટ્રીબુટરને ફોન કર્યો હતો અને ડિસ્ટબુટરે દૂધ અને છાસના કેરેટની ડિલિવરી જણાવ્યુ હતું. જેથી ડેરી માલિકે રાણીપ પોલીસ સ્ટેશનમાં ફરિયાદ નોંધાવી છે. આ અંગે પોલીસે વધુ તપાસ હાથ ધરી છે.

જોકે દૂધ ચોરને શોધવા પોલીસ કામે લાગી છે. પોલીસનું અનુમાન છે પૈસા કમાવા માટે આરોપીઓ દૂધની ચોરી કરી કોઈ અન્ય ડેરી પર વેચાણ કરે છે. આ પહેલા આ ટોળકીએ અનેકવાર દૂધના કેરેટની ચોરી કરી હોય શકે છે. પણ 2 કે 3 કેરેટ ચોરી કરી હોવાથી મામલો પોલીસ સ્ટેશન નથી પહોંચ્યો. પરંતુ આ વખતે કેરેટની સંખ્યા વધારે હોવાથી ડેરી માલિકને ખ્યાલ આવતા પોલીસ સ્ટેશન મામલો પહોંચ્યો હતો. આ ચોરીના CCTV સામે આવતા પોલીસે આરોપી અને રિક્ષાની શોધખોળ શરૂ કરી છે.