અરવલ્લી જિલ્લાના દુધ ઉત્પાદકો માટે ખુશીના સમાચાર છે. સાબર ડેરી દ્વારા ભેંગ અને ગાયના દુધના ભાવમાં વધારો કરવામાં આવ્યો છે. એક મહિનામાં બે વખત ભાવ વધારો કરવામાં આવ્યો છે.
સાબર ડેરી દ્વારા ગાય અને ભેંગના દુધમાં 20-20 રૂપિયાનો વધારો કરાયો છે. ડેરી દ્વારા દૂધના ભાવમાં કિલો ફેંટે વધારો કરવામાં આવ્યો છે.
મળતી માહિતી મુજબ આજે સાબર ડેરીની બોર્ડની મિટિંગ મળી હતી. આ બોર્ટ મિટિંગમાં દૂધના ભાવમાં વધારો કરવાનો નિર્ણય લેવામાં આવ્યો. એક મહિનામાં બે વખત ભાવ વધતા પશુપાલકોમાં ખુશીનો માહોલ જોવા મળ્યો છે.
અગાઉ ગાયના દુધમાં રૂ. 10 અને ભેંસના દુધમાં રૂ. 20 પ્રતિ કિલો ફેંટે કરાયો વધારો
અગાઉ સાબર ડેરી દ્વારા દૂધના ભાવમાં વધારો કરવામાં આવ્યો હતો. મળતી માહિતી મુજબ સાબર ડેરીએ ગાયના દૂધમાં રૂપિયા 10 અને ભેંસના દૂધમાં રૂપિયા 20 પ્રતિ કિલો ફેટે વધારો કર્યો હતો. આ ભાવ વધારાનો અમલ 1લી એપ્રિલથી કરવામાં આવ્યો હતો. જેને લઈને દૂધ ઉત્પાદકોમાં ખુશીનો માહોલ જોવા મળી રહ્યો છે.