હોનારત / કુન્નુરમાં આર્મીનું હૅલિકૉપ્ટર ક્રેશ : જુઓ દૂર્ઘટનાનો વીડિયો અને તસવીરો

• CDS બિપિન રાવત સહિત ઉચ્ચ અધિકારીઓને લઈને જતું હેલિકોપ્ટર ક્રેશ
• 14 લોકો હતા સવાર
• તસવીરો અને વીડિયો થયા વાયરલ 

ક્રેશ થયેલા સેનાના હેલિકોપ્ટરમાં CDS બિપિન રાવત અને તેમના પત્ની અને અન્ય 14 લોકો સવાર હતા. સમગ્ર મામલે સેનાએ સત્તાવાર રીતે તપાસના આદેશ આપી દીધા અને સર્ચ ઓપરેશન કરવામાં આવી રહ્યું છે.

દૂર્ઘટનાને પગલે સ્થળ પર તાત્કાલિક અસરથી 6 એમ્બ્યુલન્સ મોકલવામાં આવી છે અને મેડિકલ ટીમ પણ ઘટના સ્થળે પહોંચી છે.

CDS બિપિન રાવતને નજીકની હોસ્પિટલમાં સારવાર અર્થે ખસેડાયા 

તો આ સાથે જ દૂર્ઘટના અંગેની જાણકારી સંરક્ષણ મંત્રી રાજનાથ સિંહે પ્રધાનમંત્રી નરેન્દ્ર મોદીને આપી છે અને રાજનાથ સિંહ પોતે પણ ઘટના મામલે સંસદમાં જવાબ આપવાના છે. તાજેતરમાં મળેલી જાણકારી પ્રમાણે અત્યાર સુધીમાં 4 લોકોની લાશ મળી છે અને 7 લોકો ઈજાગ્રસ્ત થયાં છે. સૂત્રો દ્વારા પ્રાપ્ત થયેલી જાણકારી પ્રમાણે CDS બિપિન રાવતને નજીકની હોસ્પિટલમાં સારવાર અર્થે ખસેડવામાં આવ્યા છે. સમગ્ર ઘટનાનો વીડિયો અને તસવીરો ડરાવનારા છે.

હેલિકોપ્ટરમાં કોણ સવાર હતું?

• CDS બિપીન રાવત
• શ્રીમતિ મધુલિકા રાવત, બિપીન રાવતના પત્ની
• બ્રિગેડિયર એલ.એસ. લિડ્ડર
• લેફ્ટિનેંટ કર્નલ હરજિંદરસિંહ
• નાયક ગુરસેવકસિંહ
• નાયક જિતેન્દ્રકુમાર
• લાંસ નાયક વિવેક કુમાર
• લાંસ નાયક બી.સાઈ તેજા
• હવાલદાર સતપાલ

સેનાનું સત્તાવાર નિવેદન

#WATCH | Latest visuals from the spot (between Coimbatore and Sulur) where a military chopper crashed in Tamil Nadu. CDS Bipin Rawat, his staff and some family members were in the chopper. pic.twitter.com/6oxG7xD8iW

— ANI (@ANI) December 8, 2021

વાયુસેનાએ સમગ્ર મામલે ટ્વિટ કરીને જાણકારી આપી હતી કે CDS બિપિન રાવતને લઈ જતું હેલિકોપ્ટર દુર્ઘટનાગ્રસ્ત થયું છે. આ મુદ્દે તપાસના આદેશ આપવામાં આવ્યા છે.