નિવેદન / ભારત-ચીન વિવાદ પર અમેરિકાના વિદેશમંત્રીનું સ્ફોટક નિવેદન, કહ્યું સરહદ પર તૈનાત છે...

• ભારત ચીન સરહદ વિવાદ વચ્ચે અમેરિકાથી મોટું નિવેદન 
• ચીને સરહદ પર 60 હજાર સૈનિકો ખડકી રાખ્યા છે : અમેરિકાના વિદેશમંત્રી 
• હાલમાં જ ભારત અને અમેરિકાનાં વિદેશમંત્રી વચ્ચે થઇ હતી બેઠક 

અમેરિકાનાં વિદેશ મંત્રી માઈક પોમ્પિયોએ કહ્યું કે ભારત સાથેની સરહદ પર ચીને 60 હજારથી વધારે સૈનિકો તૈનાત કરી રાખ્યા છે. બીજિંગ દ્વારા ભારત-અમેરિકા-જાપાન-ઓસ્ટ્રેલિયાના ક્વૉડ પર નિવેદનબાજી કરવામાં આવી હતી જેના જવાબમાં પોમ્પિયો બોલી રહ્યા હતા જે દરમિયાન તેમણે આ વાત કહી. તેમણે કહ્યું કે ક્વૉડ દેશો વિરુદ્ધ બીજિંગનો ગંદો વ્યવહાર ખતરો છે. 

નોંધનીય છે કે ઇન્ડિયા પેસિફિક દેશોના વિદેશ મંત્રીયોની બેઠક હાલમાં જ સંપન્ન થઇ છે. અમેરિકા, જાપાન, ભારત અને ઓસ્ટ્રેલિયાના ક્વૉડમાં સરહદ પર ચીનના આક્રમક સૈન્ય વ્યવહારના સંદર્ભમાં બેઠક થઇ હતી. 

ટોકિયોથી પાછા આવ્યા બાદ પોમ્પિયોએ કહ્યું કે ભારતીય સરહદ પર 60 હજાર ચીની સૈનિકો તૈનાત છે. તેમણે કહ્યું કે હું ભારત, ઓસ્ટ્રેલિયા અને જાપાનના વિદેશમંત્રીઓ સાથે હતો, જેને અમે ક્વોડ નામ આપ્યું છે. જેમાં ચાર મોટા લોકતંત્ર, ચાર શક્તિશાળી અર્થવ્યવસ્થા, ચાર રાષ્ટ્ર છે જેમાંથી દરેકને ચીની કોમ્યુનિસ્ટ પાર્ટીથી ખતરો છે. તે આ ખતરાને પોતપોતાનાં દેશમાં જોઈ શકે છે.  

ઉલ્લેખનીય છે કે ટોક્યોમાં ભારતના વિદેશમંત્રી જયશંકર અને પોમ્પિયો વચ્ચે પણ મુલાકાત થઇ. તેમણે વિશ્વશાંતિ, સમૃદ્ધિ અને સુરક્ષા માટે એક સાથે કામ કરવાની આવશ્યકતા પર ધ્યાન આપવામાં આવ્યું.