બોલિવૂડના પ્રખ્યાત પ્લેબેક સિંગર મિકા સિંહની મેનેજર સૌમ્યા ખાનનું નિધન થઈ ગયું છે. રિપોર્ટ્સ મુજબ, સૌમ્યાએ ઊંઘની ગોળીઓનો ઓવરડોઝ લઈને આત્માહત્યા કરવાની કોશિશ કરી હતી. મિકા સિંહે આ અંગે તેના સોશિયલ મીડિયા એકાઉન્ટ પર પોસ્ટ કરીને શોક વ્યક્ત કર્યો છે. મિકાની આ પોસ્ટ પછી આ વાત સામે આવી હતી. પોલીસના જણાવ્યા પ્રમાણે તે ફેમિલી પ્રોબ્લેમ્સને કારણે ડિપ્રેશનમાં હતી અને પોસ્ટ મોર્ટમ રિપોર્ટમાં મૃત્યુનું કારણ ડ્રગનો ઓવરડોઝ હતો.
મિકા સિંહની મેનેજર સૌમ્યા ખાનનું શંકાસ્પદ મોત
ડિપ્રેશનમાં હતી સૌમ્યા ખાન
મૃત્યુનું કારણ ડ્રગનો ઓવરડોઝ હતો
મિકાએ સૌમ્યાની એક તસ્વીર શેર કરી લખ્યું કે, વાહેગુરૂજી કા ખાલસા વાહેગુરૂજી કી ફતેહ. મને આ જણાવતા ખૂબ જ દુખ થાય છે કે, અમારી પ્રેમાળ સૌમ્યાનું નિધન થઈ ગયું છે. સૌમ્યા ઘણીબધી યાદો છોડીને નાની ઉંમરે આપણને છોડીને જતી રહી છે. ભગવાન તેની આત્માને શાંતિ આપે. તેના પરિવાર અને પતિને મારું આશ્વાશન.
એક રિપોર્ટ મુજબ, સૌમ્યા મુંબઈમાં અંધેરીમાં મિકાના સ્ટુડિયોમાં મૃત હાલતમાં મળી હતી. પોસ્ટપોર્ટમ પછી તેનું શબ પરિવારને અંતિમ સંસ્કાર માટે સોંપી દેવામાં આવ્યું છે. તેનું અંતિમ સંસ્કાર પંજાબમાં કરવામાં આવશે. વર્સોવા પોલીસ સ્ટેશનના સીનિયર ઈન્સ્પેક્ટરે કહ્યું કે, આ ઘટના 2 ફેબ્રુઆરીની છે. આ મામલે હાલ તપાસ ચાલી રહી છે અને અમે આત્મહત્યાનો મામલો નોંધી લીધો છે.
મિકા પર પણ શંકા છે
વર્સોવા પોલીસ સ્ટેશનના ઇન્સ્પેક્ટરએ કહ્યું, સૌમ્યા ડિપ્રેશનમાં હતી અને ડ્રગના ઓવરડોઝને કારણે તેણે પોતાનો જીવ ગુમાવ્યો હતો. એવા પણ સમાચાર છે કે પાર્ટી પછી બીજા દિવસે તે ઘરે નહોતી ગઈ, જ્યારે કેટલાક કાર્યકરો તપાસ માટે ગયા ત્યારે તેમને સૌમ્યાની લાશ મળી. ઈન્સ્પેક્ટરે કહ્યું, તેને હોસ્પિટલમાં લઈ જવામાં આવી પછી ડોક્ટરે તેને મૃત જાહેર કરી હતી. જોકે પોલીસ તેને આત્મહત્યા ગણાવી રહી છે, પરંતુ લાશ મિકા સિંહ સ્ટુડિયોમાં મળ્યા બાદ શંકાની સોય પણ તેની તરફ વળી રહી છે.